କଟକ ଅଟଇ ଜିଲ୍ଲାଟି ମୋହର
ଅତି ପୁରାତନ ସ୍ଥାନ
ଓଡିଶା ରାଜ୍ୟର ପ୍ରଧାନ ଜିଲ୍ଲା ସେ
ଅଟେ ମୋ ଜିଲ୍ଲା ମହାନ l
କେତେ ଜ୍ଞାନୀ ଗୁଣି ବିଦ୍ୱାନ ପଣ୍ଡିତ
. ଜନମ ଲଭି ଏ ସ୍ଥାନେ
ଚିର ସ୍ମରଣୀୟ ହୋଇ ରହିଛନ୍ତି
ଇତିହାସ ରଖେ ମନେ l
ନେତାଜୀ ସୁବାଷ ମଧୁ ବାରିଷ୍ଟର
ଆଦି ଯେତେ ବରପୁତ୍ର
ପଲିକବି ଗଣକବି ଜନ୍ମ ସ୍ଥାନ
ଅଟେ ଏ ମାଟି ପବିତ୍ର l
ଓଡ଼ିଶା ରାଜ୍ୟର ରାଜଧାନୀ ରୂପେ
ରହିଥିଲା ବହୁ ଦିନ
ବାରବାଟୀ ଦୁର୍ଗ ସ୍ମୃତି ବହୁଅଛି
କୀର୍ତ୍ତି ଗୌରବ ମାନ l
ମହାନଦୀ କାଠଯୋଡ଼ି ବହୁଅଛି
ବିରୂପା ଓ ଚିତ୍ରତୋଳା
କୃଷି ପ୍ରଧାନ ଏ ଜିଲ୍ଲାଟି ଆମର
ପ୍ରସିଦ୍ଧ ସାହିତ୍ୟ କଳା l
ଉଚ୍ଚ ନ୍ୟାୟଳୟ ଆମରି ଗରବ
ବଡ଼ ମେଡିକାଲ ଥାଇ
ରେଭେନସା କଲେଜ ଅବସ୍ଥିତ ଏଠି
ଶିକ୍ଷା ସାଧନର ପାଇଁ l
ଧାନ ଗବେଷଣା କେନ୍ଦ୍ରଟି ରହିଛି
ଦେଶରେ ଗୋଟିଏ ସ୍ଥାନ
ଅତି ପୁରାତନ କଟକ ସହର
ଶିକ୍ଷା ସଭ୍ୟତାର ପ୍ରାଣ l
କଟକ ଅଟେ ହଜାରେ ବର୍ଷର
ପୁରୁଣା ବଡ଼ ସହର
ରୁପା ତାରକସି କାମ ପାଇଁ ବିଶ୍ୱେ
ଖ୍ୟାତି ରହିଛି ତାହାର l
ବାରବାଟୀ ଷ୍ଟାଡିଅମ ଉଭାଅଛି
ଦେଶରେ ସେ ଅନ୍ୟତମ
ଅନ୍ତର୍ଜାତୀୟ କ୍ରିକେଟ ଖେଳ ହୁଏ
ରାଜ୍ୟରେ ତାହା ପ୍ରଥମ l
କଟକ ଚଣ୍ଡୀ ମା ମନ୍ଦିର ରହିଛି
ମାଆ ସେ କରୁଣାମୟୀ
ଧବଳେଶ୍ୱରରେ ବାବା ଭୋଳାନାଥ
ପୂଜା ସେଠି ପାଉଥାଇ l
ବହୁ ପୁରାତନ ଅଟେ ସେ ଉତ୍ସବ
ବାଲିଯାତ୍ରା ତାର ନାମ
ସାଧବ ପୁଅର ଗାରିମା ବଖାଣେ
ଯାତରା ସେ ବଡ଼ ଆମ l
ଶାରଦୀୟ ଦୁର୍ଗାପୂଜା ହୋଇଥାଏ
ଅତି ଯାକ ଜମକରେ
ଶହ ଶହ ମେଢ଼ ସହରେ ପୂଜିତ
ଭସାଣି ମୋହିତ କରେ l
ଦୂରଦର୍ଶନ ଓ ବେତାର କେନ୍ଦ୍ରଟି
ଅଟେ ଅତି ପୁରାତନ
ରାଜ୍ୟେ ପ୍ରଥମ ଏ ଦୁଇ ଅନୁଷ୍ଠାନ
ଅଟେ ଜିଲ୍ଲା ସ୍ୱାଭିମାନ l
ବାଣିଜ୍ୟ ବେପାର ପ୍ରାଣ କେନ୍ଦ୍ର ରୂପେ
ଜଣା ଏ ସାରା ରାଜ୍ୟରେ
ମାଲଗୋଦାମ ଅଟଇ ସେଇ ସ୍ଥାନ
ଜିନିଷ ମିଳେ ଶସ୍ତାରେ l
ତିନି ପାର୍ଶ୍ୱ ଜଳରାଶି ଘେରି ଅଛି
ଆଡି ବନ୍ଧ ତାର ସାହା
ବାଇ ମୁଣ୍ଡି ଯୋଗୁଁ କଟକ ସହର
ବଂଚିଛି ମନେ ରଖିଥା l
ଜନମ ଲଭିଛି କଟକ ଜିଲାରେ
ଗାଉଛି ତା ଗୁଣ ଗାନ
ଭାଷା ପରମ୍ପରା ସଂସ୍କୃତି ନିଆରା
ସବୁ ପରା ତା ମହାନ l
✍️ସରୋଜ ସାହୁ