ଉଦ୍ଧବ ହତ୍ୟାକାଣ୍ଡ ର ପର୍ଦ୍ଦାଫାସ ; ମଠ ପୂଜକ ଗିରଫ

ଢେଙ୍କାନାଳ ଜିଲ୍ଲା ଗଁଦିଆ ବ୍ଳକ ଅନ୍ତର୍ଗତ ମନ୍ଦାର ଗ୍ରାମ ନିକଟ ଚୈତ୍ରନ୍ୟ ମଠ ରେ ଗତ ୯ ତାରିଖରେ ଘଟିଥିବା ଉଦ୍ଧବ ପାତ୍ର ହତ୍ୟାକାଣ୍ଡ ର ପର୍ଦ୍ଦାଫାସ ହୋଇଛି । ଏଥିରେ ଉକ୍ତ ମଠର ପୂଜକ ବବ ଦାଶରଥି ବେହେରା ସମ୍ପୃକ୍ତ ଥିବା ପୋଲିସ ତଦନ୍ତରୁ ଜଣା ପଡ଼ିଛି । ଅଭିଯୁକ୍ତ ବାବା କୁ ପୋଲିସ ଗିରଫ କରି କୋର୍ଟ ଚାଲାଣ କରିଛି ।

ବାବା ଦାଶରଥି ୨୦୧୧ ମସିହାରେ ଭୁବନରେ ନିଜ ପତ୍ନୀକୁ ହତ୍ୟା କରି ସେଠାରୁ ଫେରାର ଥିଲା । ସେ ବାବା ରୂପେ ୪ବର୍ଷ ହେବ
ନିଜକୁ ଏହି ପୀଠରେ ଆତ୍ମଗୋପନ କରିଥିଲେ ।

ଭୁବନ ଏନଏସି ୧୪ ନଂ ୱାର୍ଡ ର ବିଶ୍ୱନାଥ ପାତ୍ରଙ୍କ ପୁଅ ଉଦ୍ଧବ ପାତ୍ର (୩୨) ଜଣେ କବାଡ଼ି ବାଲା । ସେ ଭୁବନ ରୁ ଗଁଦିଆ ଆସିଲେ ମଠ କୁ ଯାଉଥିଲେ । ତେବେ ଉଦ୍ଧବ ମଝିରେ ମଝିରେ ମଦ୍ୟପାନ କରି ସେଠାକୁ ଯାନ୍ତି । ତେବେ ମଦ୍ୟପାନ କୁ ନେଇ ୨ଜଣଙ୍କ ମଧ୍ୟରେ ପାଟିତୁଣ୍ଡ ହୋଇଥିଲା । ବାବା ଏକ ଲୁହା ପାଇପ ରେ ତାଙ୍କ ମୁଣ୍ଡକୁ ଜୋରେ ଆଘାତ କରିଥିଲେ ,ପରେ ଉଦ୍ଧବ ଙ୍କର ମୃତ୍ୟୁ ଘଟିଥିଲା ,ପରେ ବାବା ତାଙ୍କ ମୃତଦେହର ମୁଣ୍ଡ ପାଖରେ କିଛି ମେଟାଲ ରଖି ଦେଇଥିଲେ ।

ମୃତକଙ୍କ ବାପା ଥାନାରେ ଏତଲା ପରେ ପୋଲିସ ତନାଘନା ଆରମ୍ଭ କରିଥିଲା । ପରେ ବାବା ଦୋଷୀ ବୋଲି ଜଣା ପଡିଥିଲା , ତାଙ୍କ ବିରୋଧରେ ଏକ ମାମଲା ରୁଜୁ କରି ତାଙ୍କୁ କୋର୍ଟ ଚାଲାଣ କରାଯାଇଛି ।