ଶୀତର ଚାଦରୁ ଫୁଙ୍ଗୁଳା ଫଗୁଣ
ଧରାବକ୍ଷେ ଆଗମନ !
ନଈକୂଳେକୂଳେ କାକର କାଆଁଳ
ଚଷାକୁ ଦିଏ ଆହ୍ୱାନ !!
ନଇତୁଠେ ଆଜି ନଇଁ ନବବଧୂ
ହଳଦୀ ତନୁରେ ମାଖେ !
ଲୋଡ଼ାନାହିଁ ଆଉ ଉଷୁମଜଳର
ପ୍ରତ୍ୟୁଷେ ସଅଳ ଚାଖେ !!
ଆମ୍ବତୋଟା ମାଳେ କୋଇଲିର ସ୍ୱର
ମନପୁଲକିତ କରେ !
ଆମ୍ବବଉଳର କଢ଼ଫୁଲପେନ୍ଥା
ମହକେ ଚତୁର୍ଦିଗରେ !!
ନାନା ରକମର ସୁବାଷ କୁସୁମ
ଧରଣୀ କୋଷାରେ ଖୋସା !
ପ୍ରଜାପତି ଧରି ପେରେମ ପତାକା
ଫୁଲରେ ବାନ୍ଧଇ ବସା !!
ଉତ୍କଣ୍ଠା କାମିନୀ ନବବଧୂ ଧ୍ୟାନେ
ସଞ୍ଜସଳିତା ଜାଳଇ !
ମନର ମଣିଷ ବିଦେଶୁ ଫେରିବେ
ଫଗୁ ହୋଲିଖେଳ ପାଇଁ !!
କରୋନା ଯାଇଛି ବିଦେଶ ହାଟକୁ
ରୁକୁଣା ରଥରେବସି !
ଫଗୁ ଦଶମିରେ ଫଗୁଖେଳଲାଗି
ବିମାନେ ଗୋବିନ୍ଦ ହସି !!
✍🏻 ସୂର୍ଯ୍ୟ ନାୟକ