ହେ ବିଶ୍ୱ ନିୟନ୍ତା
ଗତିମୁକ୍ତି ଦାତା
କେଶବ ମାଧବ ହରି !
ମଙ୍ଗଳମୟ ମହେଶ୍ୱର ତୁମେ
ପତିତ ଉଦ୍ଧାର କାରି !!
କୀଟତରୁଲତା ନିର୍ଜୀବ ଦେବତା
ଯକ୍ଷ କିନ୍ନର ବାନର !
ସୁଶୋଭିତ ଧରା ରଚିଲେ ଆପଣ
ହେ ଗୋବିନ୍ଦ ଗଦାଧର !!
ସୁଗନ୍ଧ ଭରିଲେ ସତେଜ କୁସୁମେ
ମନୁଷ୍ୟକୁ ଶ୍ରେଷ୍ଠ କରି !
ସୁଖଦୁଃଖ ଦୁଇ ପକ୍ଷ ଯୋଡ଼ିଦେଇ
ଉଡାଇଲ ନରହରି !!
କର୍ମ ଖଞ୍ଜିଦେଲ ଭାବ ସମୁଦ୍ରରେ
ଉବୁଟୁବୁ ମୁଁ ହୁଅଇ !
ତୋର ନାମ ଭୁଲି ମାୟାରେ ପଡିଲି
ଉଦ୍ଧାର ହେ ଭାବଗ୍ରାହୀ !!
ହେ ପରାମପିତା ମୋଭାଗ୍ୟବିଧାତା
ଢାଳ ଆଶୀର୍ବାଦ ବାରି !
ସ୍ଥାନ ଦିଅ ମତେ ତୁମ୍ଭ ଶ୍ରୀପୟରେ
ଘେନା କର ମୋ ଗୁହାରି
✍🏽 ସୂର୍ଯ୍ୟ ନାୟକ