ଦୁଇ ଟ୍ରକ ମୁହାଁମୁହିଁ ଧକ୍କା , ଜଣେ ମୃତ ଜଣେ ଆହତ

ଜାତୀୟ ରାଜପଥ ୫୩ ରେ ମର୍ମନ୍ତୁଦ ସଡକ ଦୁର୍ଘଟଣା ଘଟିଛି। ଏହି ଦୁର୍ଘଟଣାରେ ଚାଳକ ଙ୍କ ମୃତ୍ୟୁ ହୋଇଥିବା ବେଳେ ଆଉ ଜଣେ ଆହତ ହୋଇଛନ୍ତି । ପରଜଙ୍ଗ ଥାନା ଅନ୍ତର୍ଗତ ହାତୀଲୁଚାଣୀ ଛକ ନିକଟରେ ତାଳଚେରରୁ ଏକ କୋଇଲା ବୋଝେଇ ଟ୍ରକ(ଓଡି -୩-ସି-୫୦୫୮ ) ଆସୁଥିବା ବେଳେ ଅନ୍ୟ ଖାଲି ଟ୍ରକଟି (ଓଡି-୧୯-ଇ-୯୭୧୭) ବେପାରୁଆ ଗାଡି ଚାଳନା ଯୋଗୁଁ ଉକ୍ତ ଗାଡିଟି ଯାଇ କୋଇଲା ବୋଝେଇ ଗାଡିକୁ ଧକ୍କା ଦେଇଥିଲା ବୋଲି ସ୍ଥାନୀୟ ଲୋକମାନେ କହିଛନ୍ତି ।

ଖବର ପାଇ ଘଟଣାସ୍ଥଳରେ ପରଜଙ୍ଗ ପୋଲିସ ପହଞ୍ଚି ,ପରଜଙ୍ଗ ଡ୍ରାଇଭର ସଂଘ ସହଯୋଗ ରେ ଦୁଇ ଗାଡି ଚାଳକକୁ ଉଦ୍ଧାର କରି ପରଜଙ୍ଗ ଗୋଷ୍ଠୀ ସ୍ବାସ୍ଥ୍ୟ କେନ୍ଦ୍ରରେ ଭର୍ତ୍ତି କରିଥିଲେ । ସେଠାରେ ଖାଲି ଗାଡ଼ିର ଚାଳକକୁ ମୃତ୍ୟୁ ବୋଲି ଡାକ୍ତର ଘୋଷଣା କରିଥିଲେ । ମୃତ୍ୟୁ ଘଟିଥିବା ଗାଳକର ଘର ଢେଙ୍କାନାଳ ଜିଲ୍ଲା ଦେଓଗାଁ ସ୍ଥିତ ଅଜୁ ସାହୁ ବୋଲି ପରିଚୟ ମିଳିଛି ଏବଂ ଆହାତ ଚାଳକର ଘର ଅନୁଗୋଳ ଜିଲ୍ଲାର କିଶୋରନଗର ସ୍ଥିତ ପିପଳବାହା ର ପ୍ରାଣବନ୍ଧୁ ପ୍ରଧାନ ବୋଲି ସୂଚନା ମିଳିଛି । ମୃତ୍ୟୁ ଚାଳକକୁ ପୋଲିସ ଜବତ କରି କାମାକ୍ଷାନଗର ଉପଖଣ୍ଡ ଚିକିତ୍ସାଳୟ କୁ ଶବ ବ୍ୟବଚ୍ଛେଦ ପାଇଁ ପଠାଯାଇଥିବା ସୂଚନା ଦେଇଛନ୍ତି ପରଜଙ୍ଗ ଥାନା ଅଧିକାରୀ ପ୍ରଶାନ୍ତ କୁମାର ପାତ୍ର ।