ମର୍ମନ୍ତୁଦ ସଡ଼କ ଦୁର୍ଘଟଣାରେ ଜଣେ ମୃତ ଅନ୍ୟଜଣେ ଗୁରୁତର ଆହତ

ଢେଙ୍କାନାଳ ଜିଲ୍ଲାର ହିନ୍ଦୋଳ ବ୍ଲକରେ ମଙ୍ଗଳବାର ସନ୍ଧ୍ୟାରେ ଏକ ମର୍ମନ୍ତୁଦ ସଡ଼କ ଦୁର୍ଘଟଣାରେ ଜଣେ ଯୁବକ ମୃତ୍ୟୁ ବରଣ କରିଛନ୍ତି।ଖବରରୁ ପ୍ରକାଶ ଯେ, ହିନ୍ଦୋଳ ଥାନା ଅନ୍ତର୍ଗତ ହିନ୍ଦୋଳ ଏନଏସି ୱାର୍ଡ଼ ନଂ-୧୫ ଆଲୁସିଂ ଗ୍ରାମର ଟିକେଇ ସାହୁଙ୍କ ପୁଅ ପ୍ରଶାନ୍ତ ସାହୁ(୩୦) ଏବଂ କୁଞ୍ଜ ସାହୁଙ୍କ ପୁଅ ତ୍ରିନାଥ ସାହୁ ଏକ ବାଇକ ନଂ -ଓଡ଼ି-୧୯ଏଲ-୯୫୪୧ ଯୋଗେ ଡ୍ରେସ କିଣି , ଅନଗୁଳ ଆଡୁ ସନ୍ଧ୍ୟା ସାତଘଣ୍ଟା ସମୟରେ ଫେରୁଥିଲେ ।

ବାଉଁଶ ପୋଖରୀ ପଂଚାୟତ ପଣସପାଳ ପ୍ରୋଜେକ୍ଟ ସାମ୍ନାରେ ହିନ୍ଦୋଳ ଆଡୁ ଆସୁଥିବା ଏକ ପିକଅପ ଭ୍ୟାନ ବାଇକକୁ ଧକ୍କା ଦେବା ଫଳରେ ବାଇକଟି ଛିଟିକି ପଡିବା ସହ ବାଇକ ଅରୋହୀ ପ୍ରଶାନ୍ତ ସାହୁ ଛିଟିକି ପଡିଥିଲେ ,ତାଙ୍କ ମୁଣ୍ଡରେ ଆଘାତ ଲାଗିବାରୁ ସେ ଘଟଣା ସ୍ଥଳରେ ମୃତ୍ୟୁବରଣ କରିଥିଲେ ଏବଂ ତ୍ରିନାଥ ଗୁରୁତର ଆହତ ହୋଇଥିଲେ।

ଘଟଣା ସ୍ଥଳରୁ ଉଭୟଙ୍କୁ ହିନ୍ଦୋଳ ଡାକ୍ତରଖାନା ଅଣାଯାଇଥିଲା ଏବଂ ଡାକ୍ତର ପ୍ରଶାନ୍ତ ଙ୍କୁ ମୃତ ଘୋଷଣା କରିଥିବା ବେଳେ ଗୁରୁତର ଆହତ ତ୍ରିନାଥ ଙ୍କୁ ଚିକିତ୍ସା କରାଯାଉଛି ।