ଗ୍ରୀଲ ଭାଙ୍ଗି ଲକ୍ଷାଧିକ ଟଙ୍କା ସହତି ସୁନା ଗହଣା ଚୋରି

ଢେଙ୍କାନାଳ ଜିଲ୍ଲା ଗଁଦିଆ ଥାନା ଯୋରନ୍ଦା ଫାଣ୍ଡି ଅନ୍ତର୍ଗତ ଜାମୁସରା ଗ୍ରାମର ଜନୈକ ବ୍ୟକ୍ତିଙ୍କ ଘର ଗ୍ରୀଲ ଭାଙ୍ଗି ଦୁର୍ବୃତ୍ତ ମାନେ ଲକ୍ଷାଧିକ ନଗଦ ଟଙ୍କା ସହିତ ସୁନା ଗହଣା ଲୁଟ କରିଥିବାର ଫାଣ୍ଡିରେ ଅଭିଯୋଗ ହୋଇଛି ।

ଜାମୁସରା ଗ୍ରାମର ଉପେନ୍ଦ୍ର ଚନ୍ଦ୍ର ସାହୁଙ୍କ ଅଭିଯୋଗ ଅନୁସାରେ ସେମାନେ ଶୁକ୍ରବାର ରାତିରେ ଖାଇପିଇ ଶୋଇଥିବା ବେଳେ ଝରକା ଗ୍ରୀଲ ଭାଙ୍ଗି ଦୁର୍ବୃତ୍ତ ମାନେ ଘରେ ପଶିଥିଲେ । ଘରେ ପଶି ଗଦରେଜ ଭାଙ୍ଗି ତା ଭିତରେ ଥିବା ୧ଲକ୍ଷ ୬୦ ହଜାର ଟଙ୍କା ସହିତ ହାର
୫ଟା,ଚେନ ୪ଟା,ଶଙ୍ଖା ୨ ହଳ,ପାନପତ୍ର ମାଳ ଗୋଟିଏ,ମଥାମଣି ଗୋଟିଏ,କାନଫୁଲ ୧୫ ହଳ,ରିଙ୍ଗ୩ହଳ,ମୁଦି ୮ଟା ଏପରି ମୋଟ ୪ଶହ ଗ୍ରାମର ସୁନା ଗହଣା ଲୁଟିନେଇ ଫେରାର ହୋଇଯାଇଥିଲେ । ଏ ସଂକ୍ରାନ୍ତରେ ଉପେନ୍ଦ୍ର ଫାଣ୍ଡିରେ ଅଭିଯୋଗ କରିଥିବାର ଜଣାପଡିଛି ।