ଦଧିବାମନ ଜୀଉ ଙ୍କ ନୂତନ ମନ୍ଦିର ପ୍ରତିଷ୍ଠା ନିମନ୍ତେ ଶିଳାନ୍ୟାସ

କାମାକ୍ଷାନଗର ଏନଏସି ଅନ୍ତର୍ଗତ ଆଳୁତୁମା ଗ୍ରାମ ରେ ପାଞ୍ଚଶହ ବର୍ଷ ପୂର୍ବର ଦଧିବାମନ ଜୀଉ ଙ୍କ ନୂତନ ମନ୍ଦିର ନିମନ୍ତେ ଶିଳାନ୍ୟାସ ହୋଇଯାଇଛି l ଏହି ଉପଲକ୍ଷେ ଆୟୋଜିତ କାର୍ଯ୍ୟକ୍ରମ ରେ ପୁରୀ ରୁ ବେଦଜ୍ଞ ବ୍ରାହ୍ମଣ ମାନେ ମହାପ୍ରଭୁ ଙ୍କ ଆଜ୍ଞାମାଳ ଧରି ପହଞ୍ଚି ହୋମ, ପୂଜା, ଓ ଶିଳାନ୍ୟାସ କରିଥିଲେ l

ମୁଖ୍ୟଅତିଥି ରୂପେ ଢେଙ୍କାନାଳ ସାଂସଦ ମହେଶ ସାହୁ, ସନମାନନିତ ଅତିଥି ଭାବେ ନଗରପାଳ ଧର୍ମାନନ୍ଦ ପରିଡା,ଉପ-ନଗରପାଳ ଶକୁନ୍ତଳା ସେଠୀ ,କାମାକ୍ଷାନଗର ଏନ୍.ଏ.ସି ର ସମସ୍ତ କାଉଁସିଲର, ମନ୍ଦିର କମିଟି ସଭାପତି ଦୁଷ୍ମନ୍ତ କୁମାର ନନ୍ଦ, ଗ୍ରାମ ସଭାପତି ବ୍ରହ୍ମାନନ୍ଦ ମହାନ୍ତି,ସମ୍ପାଦକ ମଧୁସୁଧନ ଷେଣ୍ଢ, ବାଳକୃଷ୍ଣ ନାୟକ ପ୍ରମୁଖ ଉପସ୍ଥିତ ରହି ପୂଜା କାର୍ଯ୍ୟ ରେ ସହଯୋଗ କରିଥିଲେ l

ବିଭିନ୍ନ ସ୍ଥାନ ରୁ ସଙ୍କିର୍ତନ ମଣ୍ଡଳୀ ଯୋଗ ଦେଇଥିବା ବେଳେ ଗ୍ରାମ ତଥା ବିଭିନ୍ନ ଅଞ୍ଚଳ ରୁ ହଜାର ହଜାର ଭକ୍ତ ଉପସ୍ଥିତ ରହି ପ୍ରଭୁ ଦଧିବାମନ ଙ୍କ ଆଶିଷ ଲାଭ କରିଥିଲେ l ଗ୍ରାମ ପରିଚାଳନା କମିଟି ତରଫରୁ ପ୍ରସାଦସେବନ ବ୍ୟବସ୍ଥା କରାଯାଇଥିବା ବେଳେ ସମସ୍ତ ସଭ୍ୟ ଏଥିରେ ସହଯୋଗ କରିଥିଲେ l