ବାଳିକା ମାନଙ୍କ ପାଇଁ ଆତ୍ମରକ୍ଷା କୌଶଳ ପ୍ରଶିକ୍ଷଣ ଶିବିର ଉଦଯାପିତ

କଙ୍କଡାହାଡ଼:କଙ୍କଡ଼ାହାଡ଼ ବ୍ଲକ କଙ୍କଡ଼ାହାଡ଼ ଉଚ୍ଚ ମାଧ୍ୟମିକ ବିଦ୍ୟାଳୟ ପରିସରରେ ମଙ୍ଗଳବାର ପୁର୍ବାହ୍ନରେ ବାଳିକା ମାନଙ୍କ ଆତ୍ମରକ୍ଷା କୌଶଳ ପ୍ରଶିକ୍ଷଣ ଶିବିର ଉଦଯାପିତ ହୋଇଯାଇଛି । ଅନୁଷ୍ଠାନର ଅଧ୍ୟକ୍ଷ ପ୍ରସନ୍ନ କୁମାର ସାହୁ ମୂଖ୍ୟ ଅତିଥି ଭାବେ ଯୋଗଦେଇ ଆତ୍ମରକ୍ଷା କୌଶଳ ପ୍ରଶିକ୍ଷଣର ଉପକାରିତା ସମ୍ପର୍କରେ ଛାତ୍ରିମାନଙ୍କୁ ପରାମର୍ଶ ଦେଇଥିଲେ ।

କାର୍ଯକ୍ରମ ସଂଯୋଜନା ଅଧିକାରୀ ଅଧ୍ୟାପକ ଅଜୟ କୁମାର ଚିନାରା ଙ୍କ ଦ୍ଵାରା ପରିଚାଳିତ ଏହି ଉତ୍ସବରେ ଅଧ୍ୟାପକ ଲକ୍ଷ୍ମୀକାନ୍ତ ଶତପଥୀ ଛାତ୍ରି ମାନଙ୍କ ଆତ୍ମବିଶ୍ବାସ ବୃଦ୍ଧି ଦିଗରେ ପ୍ରେରଣା ଦେଇଥିଲେ । ଉପସ୍ଥିତି ମୂଖ୍ୟ ଅତିଥି, ସମ୍ମାନିତ ଅତିଥି ଅଧ୍ୟାପକ ପ୍ରେମାନନ୍ଦ ନାୟକ ଶିବିରର କୃତି ଛାତ୍ରିମାନଙ୍କୁ ମାନପତ୍ର ଓ ରିଆକ୍ଟ ପୁସ୍ତିକା ପ୍ରଦାନ କରିଥିଲେ । କର୍ମଚାରୀ ପ୍ରଦିପ କୁମାର ବେହେରା ଉତ୍ସବରେ ସହଯୋଗ କରିଥିବା ବେଳେ ଅଧ୍ୟାପିକା ଝୁନୁ ରାୟ ଧନ୍ୟବାଦ ଅର୍ପଣ କରିଥିଲେ ।