କଲେଜ ଛାତ୍ରଙ୍କୁ ଘୋଷାଡି ନେଲା କାର ,ଗୁରୁତର ଅବସ୍ଥାରେ ମେଡ଼ିକାଲରେ ଭର୍ତ୍ତି ;ଉତ୍ୟକ୍ତ ଛାତ୍ରଛାତ୍ରୀଙ୍କ ରାସ୍ତାରୋକ

ଢେଙ୍କାନାଳ ଜିଲ୍ଲା କାମାକ୍ଷାନଗର ଥାନା ୫୩ ନଂ ଜାତୀୟ ରାଜପଥର ମଠକରଗୋଳା ଛକ ନିକଟରେ ଛିଡା ହୋଇଥିବା ଜଣେ କଲେଜ ଛାତ୍ରଙ୍କ ଘୋଷାଡି ନେଲା କାର ,ଗୁରୁତର ଅବସ୍ଥାରେ ତାଙ୍କୁ ପ୍ରଥମେ ମଠକରଗୋଳା ଗୋଷ୍ଠୀ ସ୍ୱାସ୍ଥ୍ୟ କେନ୍ଦ୍ର ଓ ପରେ ଢେଙ୍କାନାଳ ଜିଲ୍ଲା ମୁଖ୍ୟ ଚିକିତ୍ସାଳୟରେ ଭର୍ତ୍ତି କରାଯାଇଛି । ଗୁରୁତର କଲେଜ ଛାତ୍ର ଜଣଙ୍କ ମଠକରଗୋଳା କଲେଜର ଯୁକ୍ତ ୩ ର ୨ୟ ବର୍ଷ ଛାତ୍ର ସୁଶାନ୍ତ କୁମାର ନାୟକ ।

ସୂଚନା ଅନୁଯାୟୀ ,ସୁଶାନ୍ତ ନିଜ ଘର କହ୍ନେଇପାଳ ଗାଁକୁ ଯିବା ପାଇଁ ମଠକରଗୋଳା ବସ ଷ୍ଟାଣ୍ଡରେ ବସକୁ ଅପେକ୍ଷା କରିଥିଲେ । ଠିକ ସେହି ସମୟରେ କାମାକ୍ଷାନଗର ଆଡୁ ଭୁବନ ଯାଉଥିବା ଏକ ଦ୍ରୁତଗାମୀ ବୋଲେରୋ ଗାଡି ସୁଶାନ୍ତଙ୍କୁ ଧକ୍କା ଦେଇ ପ୍ରାୟ ୩୦ ମିଟର ବାଟ ଘୋଷାଡି ନେଇଥିଲା ।

ଏ ନେଇ ମଠକରଗୋଳାର କଲେଜ ଛାତ୍ରଛାତ୍ରୀ ମାନେ ୫୩ ନଂ ଜାତୀୟ ରାଜପଥରେ ଟାୟାର ଜାଳି ରାସ୍ତାରୋକ କରିଥିଲେ । ଖବର ପାଇ ଘଟଣା ସ୍ଥଳରେ କାମାକ୍ଷାନଗର ପୋଲିସ ପହଞ୍ଚି ଉତ୍ୟକ୍ତ କଲେଜ ଛାତ୍ରଛାତ୍ରୀଙ୍କୁ ବୁଝା ସୁଝା କରିବା ପରେ ରାସ୍ତାରୋକ ଉଠିଥିଲା ।