ଘରୁ ଲୁଟିନେଲେ ୨ଲକ୍ଷ ଟଙ୍କାର ସୁନା ଗହଣା ସହିତ ୪୦ ହଜାର ନଗଦ ଟଙ୍କା

ଢେଙ୍କାନାଳ ଜିଲ୍ଲା ପରଜଙ୍ଗ ଥାନା ସାଆନ୍ଦା ଫାଣ୍ଡି ଅନ୍ତର୍ଗତ ସରବେରେଣୀ ଗାଁ ଗଙ୍ଗାଗୋଠରେ ଥିବା ସୌଭାଗ୍ୟ କୁମାର ପଣ୍ଡାଙ୍କ ଘରୁ ଗତ କାଲି ବିଳମ୍ବିତ ରାତିରେ ଚୋରି ହୋଇଥିବା ନେଇ ଥାନାରେ ଅଭିଯୋଗ ହୋଇଛି । ତାଙ୍କ ଘରର ଝରକା ତାଡି ଆଲମାରୀରୁ ୨ଲକ୍ଷ ଟଙ୍କାର ସୁନା ଗହଣା ଏବଂ ୪୦ ହଜାର ନଗଦ ଟଙ୍କା ଚୋରି ହୋଇଥିବା ଜଣାପଡିଛି ।

ଗତ କାଲି ରାତିରେ ସବୁଦିନ ପରି ସୌଭାଗ୍ୟ ଏବଂ ତାଙ୍କ ସ୍ତ୍ରୀ ଖାଇ ସାରିବା ପରେ ଶୋଇ ପଡ଼ିଥିଲେ । ତେବେ ଶୋଇ ସାରିବା ପରେ କେହି ଦୁର୍ବୃତ୍ତ ଘରେ ପଶି କଳାକନା ବୁଲେଇ ଥିଲା । ଏ ନେଇ ଆଜି ଅଭିଯୋଗ ପରେ ପରଜଙ୍ଗ ପୋଲିସ ଘଟଣା ସ୍ଥଳରେ ପହଞ୍ଚି ଅଧିକ ତଦନ୍ତ ଜାରି ରଖିଛି । ତେବେ ଅଞ୍ଚଳରେ ଗତ କିଛି ଦିନ ମଧ୍ୟରେ ଅନେକ ଚୋରି ହେଉଥିବା ନେଇ ଅଭିଯୋଗ ହୋଇ ଆସୁଛି । ତେଣୁ ପୋଲିସ ପେଟ୍ରୋଲିଙ୍ଗ ବ୍ୟବସ୍ଥାକୁ ଅଧିକ ବଢ଼େଇବା ପାଇଁ ଗ୍ରାମବାସୀ ଦାବି କରିଛନ୍ତି ।