ଗତକାଲି ବିଲମ୍ବିତ ରାତ୍ରିରେ ଲୁହପଥର ବୋଝେଇ ଏକ ଟ୍ରକ ଭୂଷଣ- ଟାଟା ଅଭିମୁଖେ ଯାଉଥିବା ବେଳେ ପରଜଙ୍ଗ ସ୍ଥିତ ଜଟିଆ ନଦୀ ବ୍ରିଜ଼ ନିକଟରୁ କିଛି ହାଇୱେ ଲୁଟେରା ଡ୍ରାଇଭର ଅଶୋକ କୁମାର ମଣ୍ଡଳ ଓ ହେଲ୍ପର ସିଫନ ଖାଁ ଙ୍କୁ ବନ୍ଧୁକ ମୁନ ଦେଖାଇ ତାଙ୍କୁ ବାନ୍ଧି ପକେଇ ଉକ୍ତ ଟ୍ରକ୍ ଟିକୁ ପରଜଙ୍ଗ ଥାନା ସ୍ଥିତ କନ୍ଦରସିଂହା ଗାଁ ନିକଟ କେନାଲ କୁଳ ର ଏକ ଜଙ୍ଗଲ କୁ ନେଇ ଆସି ସେଥିରୁ ୧୦୦ ଲିଟର ତେଲ ୩ ହଜ଼ାର ଟଙ୍କା, ଗାଡି ବାଟେରୀ ଓ ଏକ ମୋବାଇଲ ଫୋନ ଛଡେଇ ନେଇ ଥିଲେ।
ଟ୍ରକ୍ ଟି ତାର ନିର୍ଦ୍ଧାରିତ ରାସ୍ତା ରୁ ଅନ୍ୟ ଆଡେ ଯିବା କଥା ମାଲିକ ପାର୍ଥ ସାରଥୀ ସାମଲ ଜାଣିପାରି ପରଜଙ୍ଗ ଥାନା ଅଧିକାରୀ ଙ୍କୁ ରାତି ପ୍ରାୟ ୩ ଟା ରେ ଜଣାଇବାରୁ । ଭୋରୁ ୫ ରେ ଜିପିଏସ ଦ୍ଵାରା ପରଜଙ୍ଗ ପୋଲିସ ଗାଡ଼ିଟି ଧରିବାରେ ସକ୍ଷମ ହୋଇଛି । ଗାଡି ମାଲିକ ଙ୍କ ଏତଲା କ୍ରମେ ତଦନ୍ତ କରାଯାଉଛି। ଖୁବ୍ ଶୀଘ୍ର ଲୁଟେରା ଙ୍କୁ ଗିରଫ କରିବା ନେଇ ଥାନା ଅଧିକାରୀ ସୂଚନା ଦେଇଛନ୍ତି ।