ଠେଙ୍ଗାରେ ପିଟି ପିଟି ପରିବା ବେପାରୀଙ୍କୁ ହତ୍ୟା

ଠେଙ୍ଗାରେ ପିଟି ପିଟି ଜଣେ ପରିବା ବେପାରୀକୁ ହତ୍ୟା କଲା ଭଳି ଏକ ବିଭତ୍ସକାଣ୍ଡ ଦେଖିବାକୁ ମିଳିଛି ଢେଙ୍କାନାଳ ଜିଲ୍ଲା ପରଜଙ୍ଗ ଥାନା ଅନ୍ତର୍ଗତ କଟାବାହାଳ ଗାଁରେ । ମୃତ ପରିବା ବେପାରୀ ଜଣଙ୍କ ପାଟରପଦା ପଞ୍ଚାୟତ ଅନ୍ତର୍ଗତ କଟାବାହାଳ ଗାଁର ରମେଶ ଚନ୍ଦ୍ର ଦେହୁରୀ ।

ରମେଶ ଗାଁ ପାଖ ଶାଳମୁଣ୍ଡା ପୋଖରୀରୁ ଗଧୋଇ ସାରି ଘରକୁ ଫେରୁଥିବା ବେଳେ ପାଟରପଦା ଗାଁର ବଗଲା ବାରିକ ନିଜ ସହଯୋଗୀ ସନ୍ତୋଷ ବାରିକଙ୍କ ସହିତ ମିଶି ଠେଙ୍ଗାରେ ପିଟି ପିଟି ରମେଶଙ୍କୁ ହତ୍ୟା କରିଥିଲେ । ଖବର ପାଇ ଘଟଣା ସ୍ଥଳରେ ପରଜଙ୍ଗ ପୋଲିସ ପହଞ୍ଚି ମୃତ ଦେହକୁ ଉଦ୍ଧାର କରିବା ସହ ଅଧିକ ତଦନ୍ତ ଚଳାଇଛି । ତେବେ ଏହା ପାରିବାରିକ କଳହରୁ ହତ୍ୟାକାଣ୍ଡ କରାଯାଇଥିବା ସନ୍ଦେହ କରାଯାଉଛି । ସୂଚନା ଥାଉକି ରମେଶ କଟକରେ ରହି ପରିବା ବେପାର କରନ୍ତି। ଗତ ଦୋଳ ପୂର୍ଣ୍ଣିମା ଯୋଗୁଁ ସେ ଘରକୁ ଆସିଥିଲେ ।