ପୋଖରୀରେ ବୁଡି ଜଣେ ମୃତ୍ୟୁ !

ପରଜଙ୍ଗ ଥାନା ଅନ୍ତର୍ଗତ କୁଆଳୋ ଗ୍ରାମପଞ୍ଚାୟତ ପରମହଂସପୁର ପାଞ୍ଚ ଘରିଆ ପୋଖରୀ ପାଣି ରେ ବୁଡି ଜଣେ ବ୍ୟକ୍ତି ମୃତ୍ୟୁ ଘଟିଛି । ମୃତ ବ୍ୟକ୍ତି ଜଣକ ହେଲେ କୁବେର ଖଟୁଆ ଙ୍କ ପୁଅ ରଞ୍ଜୁ ଖଟୁଆ (୫୪) ସେ ତାଳଚେର ଜିଲିଣ୍ଡା ଅଞ୍ଚଳର ବୋଲି ସୂଚନା ।

ପ୍ରକାଶ ଥାଉକି , ଦୀର୍ଘ ଦିନ ହେବ ତାଙ୍କ ଶଶୁର ଘର କୁଆଳୋ ସୁବର୍ଣ୍ଣପୁର ଗ୍ରାମରେ ନିଜର ପରିବାର ସହ ରହି ଆସୁଥିଲେ । ଗତ କାଲି ଅପରାହ୍ନରେ ନିଜର କାମ ସାରି ଗାଧୋଇବାକୁ ଯାଇ ପୋଖରୀରେ ଅସାବଧାନତା ଯୋଗୁଁ ଗୋଡ଼ ଖସିଯିବାରୁ ପାଣିରେ ବୁଡି ଯାଇଥିଲେ ।

ଘର ଲୋକ ଖୋଜାଖୋଜି ପରେ ମଧ୍ୟ ଗତକାଲି ପାଇ ନଥିଲେ । ଆଜି ସକାଳୁ ଉକ୍ତ ପୋଖରୀ ପାଖରେ ତାଙ୍କ ସାଇକେଲ,ଚପଲ ଦେଖିବାକୁ ପାଇଥିଲେ ପରିବାର ଲୋକେ ଅଗ୍ନିଶମ ବିଭାଗ ଓ ସ୍ଥାନୀୟ ଲୋକଙ୍କ ସହୟତା ରେ ମୃତ ଦେହ ଉଦ୍ଧାର କରାଯାଇଥିଲା । ପରଜଙ୍ଗ ପୋଲିସ ପହଞ୍ଚି ମୃତଦେହ ଜବତ କରି ବ୍ୟବଚ୍ଛେଦ ପାଇଁ ପରଜଙ୍ଗ ଗୋଷ୍ଠୀ ସ୍ବାସ୍ଥ୍ୟ କେନ୍ଦ୍ର କୁ ପଠାଇ ଅଧିକ ତଦନ୍ତ ଜାରି ରଖିଛି ।