ଗତିପଥ ବଦଳାଇଲା ବାତ୍ୟା ୟସ, ଢେଙ୍କାନାଳ ଜିଲ୍ଲାର କିଛି ବ୍ଲକ କୁ ସତର୍କ ସୂଚନା

ବାତ୍ୟା ୟସ ସ୍ଥିତି ନେଇ ସ୍ୱତନ୍ତ୍ର ରିଲିଫ କମିଶନର ପ୍ରଦୀପ ଜେନାଙ୍କ ପ୍ରତିକ୍ରିୟା ଧାମରା ନିକଟରେ ଆସନ୍ତା କାଲି ସକାଳେ ଲ୍ୟାଣ୍ଡଫଲ କରିବ ବୋଲି ଭାରତୀୟ ପାଣିପାଗ ବିଭାଗ ସୂଚନା ଦେଇଛି । ଭିତରକନିକା,ଚାନ୍ଦବାଲି ଓ ଧାମରା ରେ ଲ୍ୟାଣ୍ଡଫଲ କରିବ ବୋଲି ଆକଳନ କରି ଆମେ ପ୍ରସ୍ତୁତି ଆରମ୍ଭ କରିଛୁ । ହାଇଯୋନ ରେ କେନ୍ଦ୍ରାପଡା, ଜଗତସିଂହପୁର, ଭଦ୍ରକ, ବାଲେଶ୍ଵର ରହିଥିବା ବେଳେ କେନ୍ଦୁଝର, ମୟୁରଭଞ୍ଜକୁ ମଧ୍ୟ ଆଲର୍ଟ କରାଯାଇଛି ।

ଅନ୍ୟପଟେ ଢେଙ୍କାନାଳ ଜିଲ୍ଲାର କଙ୍କଡାହାଡ଼, ଭୁବନ, ଗଁଦିଆ ଏବଂ କାମାକ୍ଷାନଗର ବ୍ଲକ କୁ ଆଲର୍ଟ ରଖିବା ପାଇଁ ନିର୍ଦେଶ ଦିଆଯାଇଛି ସେହିପରି ସୁନ୍ଦରଗଡ ଜିଲ୍ଲା ର ଲହୁଣୀପଡା ଓ ବଣେଇ ଏବଂ ଅନୁଗୁଳର ପାଲଲହଡା ଓ କଣିହାଁ କୁ ମଧ୍ୟ ଆଲର୍ଟ ରଖାଯାଇଛି ।

୩୦ ଟି ଜିଲ୍ଲାରେ ୫୦ ମିଲି ମିଟର ବର୍ଷା ହୋଇଛି, ସେଥିମଧ୍ୟରୁ ଜଗତସିଂହପୁରରେ ସର୍ବାଧିକ ବର୍ଷା ହୋଇଛି । ବର୍ତ୍ତମାନ ଠୁ ପବନ ଆରମ୍ଭ ହୋଇଛି ଆଜି ଅପରାହ୍ନରୁ ପବନର ବେଗ ଆହୁରି ବଢ଼ିବ ।

୫୦ ରୁ ୬୦ ହଜାର ଲୋକ ବର୍ତ୍ତମାନ ସୁଦ୍ଧା ସୁରକ୍ଷିତ ସ୍ଥାନକୁ ସ୍ଥାନାନ୍ତରିତ ହୋଇ ସାରିଛନ୍ତି, ୮୬୦ ସ୍ଥାୟୀ ବାତ୍ୟା ଆଶ୍ରୟ ସ୍ଥଳ ରହିଛି ଓ ଅସ୍ଥାୟୀ ବାତ୍ୟା ଆଶ୍ରୟ ସ୍ଥଳ ବି ପ୍ରସ୍ତୁତ ଅଛି । ୬୯୦୦ ବାତ୍ୟା ଆଶ୍ରୟ ସ୍ଥଳ ପ୍ରସ୍ତୁତ କରି ରଖିଛୁ, ଯେଉଁଥିରେ ୭.୫୦ ଲକ୍ଷ ଲୋକଙ୍କୁ ରଖିହେବ ।

ଏହା ବାଦ ପବ୍ଲିକ ବିଲିଡଂ ଗୁଡିକୁ ଖୋଲା ରଖିବା ପାଇଁ ନିର୍ଦ୍ଦେଶ ଦିଆଯାଇଛି, ଯାହା ଦ୍ୱାରା ଯେଉଁମାନେ ଶେଷ ମୁହୂର୍ତ୍ତରେ ଚାହିଁବେ ସେମାନଙ୍କୁ ସ୍ଥାନାନ୍ତର କରାଯାଇପାରିବ ।

ଅନ୍ୟପଟେ ଢେଙ୍କାନାଳ ଜିଲ୍ଲାପାଳ ଶ୍ରୀ ଭୁମେଶ ଚନ୍ଦ୍ର ବେହେରାଙ୍କ ନିର୍ଦେଶ କ୍ରମେ ଏକ ଉଚ୍ଚ ସ୍ଥରୀୟ କମିଟି ଗଠନ କରାଯାଇଛି । ଯେଉଁ ଥିରେ ଜିଲ୍ଲାର ୮ ଜଣ ଉଚ୍ଚ ସ୍ଥରୀୟ ଅଧିକାରୀଙ୍କୁ ୮ ଟି ବ୍ଲକ ର ବ୍ଲକ ନୋଡାଲ ଅଫିସର ଭାବେ ଦାୟିତ୍ବ ଦିଆଯାଇଛି । ସୁପରିଚାଳନା ନେଇ ଦିନକୁ ୨ ଥର ସକାଳ ୭ଟା ଏବଂ ଅପରାହ୍ନ ୩ଟାରେ ଏହି ନୋଡାଲ ଅଫିସର ମାନେ ବ୍ଲକ ସ୍ତରୀୟ ରିପୋର୍ଟ ପ୍ରଦାନ କରିବେ ।