ହାତୀ ଆକ୍ରମଣରେ ନାବାଳକର ମୃତ୍ୟୁ !

ହାତୀ ଆକ୍ରମଣରେ ୧୪ ବର୍ଷୀୟ ନାବାଳକର ମୃତ୍ୟୁ । ଢେଙ୍କାନାଳ ଜିଲ୍ଲା ହିନ୍ଦୋଳ ରେଞ୍ଜ ରକଲା ଗାଁରେ ଏଭଳି ଅଭାବନୀୟ ଘଟଣା ଘଟିଯାଇଛି । ମୃତ ବାଳକ ହେଲେ ସଞ୍ଜପଡା ପଞ୍ଚାୟତ ରକଲା ଗାଁର ଶିବୁନ ମହାପାତ୍ର (୧୪) ।

ସୂଚନା ଅନୁଯାୟୀ , ଗାଁର ରମେଶ ମହାପତ୍ର ଙ୍କ ମଝିଆଁ ପୁଅ ଶିବୁନ ମହାପାତ୍ର ଗତକାଲି(ରବିବାର) ସନ୍ଧ୍ୟାରେ ଘର ପାଖ ଜୋରକୁ ଶୌଚ ହେବାକୁ ଯାଇଥିଲା ।ସେହି ସମୟରେ ହାତୀ ତାଙ୍କୁ କଚାଡି ମାରିଥିବାର ଜଣା ପଡ଼ିଛି । ତେବେ ଘଟଣା ସ୍ଥଳରେ ତାଙ୍କର ମୃତ୍ୟୁ ଘଟିଥିବା ବେଳେ ବନ ବିଭାଗ ପହଞ୍ଚି ତଦନ୍ତ ଜାରି ରଖିଛି ।

ଏହି ଅଞ୍ଚଳରେ ହାତୀ ପଲ ବୁଲୁଥିବାରୁ ହାତୀଙ୍କୁ ଘଉଡାଇବା ସହ କ୍ଷତିଗ୍ରସ୍ତ ପରିବାରକୁ ବନ ବିଭାଗ ତୁରନ୍ତ କ୍ଷତିପୂରଣ ଦେବାକୁ ଗ୍ରାମବାସୀ ଦାବି କରିଛନ୍ତି ।