ପାଣି ପମ୍ପ ଚୋର କୁ କାବୁ କରି ଥାନା ଜିମା ଦେଲେ ଗ୍ରାମବାସୀ

ହିନ୍ଦୋଳ ଉପଖଣ୍ଡ ରାସୋଳ ଥାନା ଗଣ୍ଡା ନାଳୀ ଗ୍ରାମରେ ସୋମବାର ବିଳମ୍ୱିତ ରାତିରେ ଦୁଇ ପାଣି ପମ୍ପ ଚୋର କୁ ଗ୍ରାମ ବାସୀ ମାନେ କାବୁ କରି ପୋଲିସ ଜିମା ଦେଇଥିବା ର ଜଣା ଯାଇଛି। ଖବରରୁ ଜଣାଯାଏ ଏହି ଗ୍ରାମର ସୁନୀଲ ସ୍ବାଇଁ ଙ୍କ କୂଅ ରେ ଲାଗିଥିବା ଏକ ପାଣି ପମ୍ପ କୁ ସୋମବାର ରାତି ପ୍ରାୟ ୨.୩୦ ସମୟରେ ଦୁଇ ଜଣ ଚୋର ଚୋରୀ କରୁଥିବା ବେଳେ ପରିବାର ଲୋକ ମାନେ ଗ୍ରାମବାସୀଙ୍କ ସହାୟତାରେ ସେମାନଙ୍କୁ କାବୁ କରି ପୋଲିସ ଜିମା ଦେଇଥିଲେ।

ଏହି ଦୁଇ ଜଣ ଲୁଟେରା ହେଲେ ସଦର ଥାନ ଭାପୁର ଫାଣ୍ଡି ହରିଡା ପଶି ଗ୍ରାମର ବିନୋଦ ନାଏକ ଙ୍କ ପୁଅ ଆନନ୍ଦ ନାଏକ (୨୬)ଓ ମୁକୁନ୍ଦ ନାଏକ ଙ୍କ ପୁଅ ଭରତ ନାଏକ (୩୫)। ଏମାନେ ପେଶାଦାର ପାଣି ପମ୍ପ ଚୋର ହେଇଥିବା ବେଳେ ଏହି ଅଞ୍ଚଳରୁ କୋଡ଼ିଏ ରୁ ଉର୍ଦ୍ଧ ପମ୍ପ ଚୋରି କରିଥିବା ର ସ୍ଵୀକାର କରିଥିଲେ। ଏଥି ସହିତ ଲୁଟେରା ମାନେ ବ୍ୟବହାର କରିଥିବା ଏକ ମୋଟର ସାଇକେଲ OD06C 0419 କୁ ମଧ୍ୟ ଜବତ କରାଯାଇଛି । ପୋଲିସ ସେମାନଙ୍କୁ ଗିରଫ କରି ତଦନ୍ତ ଜାରି ରଖିଛି।