ହାତୀ ଆକ୍ରମଣରେ ଯୁବକ ମୃତ

ଗଁଦିଆ ବ୍ଲକରେ ହାତୀ ଆକ୍ରମଣରେ ଜଣେ ଯୁବକ ମୃତ୍ୟୁ ବରଣ କରିଥିବାର ଜଣାଯାଇଛି l ବନ ବିଭାଗ ପକ୍ଷରୁ ସୂଚନା ମିଳିଛି ଯେ ଷଡ଼ଙ୍ଗୀରେଞ୍ଜ ଅନ୍ତର୍ଗତ ଅଶ୍ୱଖୋଲା ସଂରକ୍ଷିତ ଜଙ୍ଗଲ ମଧ୍ୟକୁ ଗତକାଲି ପାଖ ପାଖ ଆମ୍ବପଡା ଗ୍ରାମର ବାବୁ ମଳିକ ର ପୁଅ ରାଜେନ୍ଦ୍ର ମଳିକ (୩୨) ଗ୍ରାମଠାରୁ ୩କିମି ଦୁରରେଥିବ ଜଙ୍ଗଲ ମଧ୍ୟକୁ ଗତକାଲି ନିଜରଗାଈ ଖୋଜିବା ସହିତ ଜାଳେଣି କାଠ ସଂଗ୍ରହ ନିମନ୍ତେ ଯାଇଥିଲେ , ସନ୍ଧ୍ୟାସୁଦ୍ଧା ଘରକୁ ନଫେରିବାରୁ ପରିବାର ଲୋକେ ତଥା ଅନ୍ୟ ମାନେ ମିଶି ତାକୁ ବହୁତ ଖୋଜା ଖୋଜି କରି ପାଇନଥିଲେ ।

ତେବେ ଆଜି ସକାଳେ ତାଙ୍କ ମୃତ ଦେହ ଜଙ୍ଗଲ ରୁ ଠାବ ହୋଇଥିଲା ।ତେବେ ଖବର ପାଇଁ ଷଡ଼ଙ୍ଗୀ ରେଞ୍ଜ ଅଧିକାରୀ ଚନ୍ଦ୍ର ମଣି ବେହେରା ଜୋରନ୍ଦା ବନପାଳ ନିରଞ୍ଜନମଲିକ ଘଟଣା ସ୍ଥଳରେ ପହଞ୍ଚି ଥିଲେ ଓ ହାତୀ ଆକ୍ରମଣରେ ମୃତ୍ୟୁବରଣ କରିଥିବା ବ୍ୟକ୍ତିର ପରିବାରକୁ କ୍ଷତିପୂରଣ ପ୍ରଦାନ ନିମନ୍ତେ ସେ ପ୍ରତିଶ୍ରୁତି ଦେଇଥିଲେ ।

ମୃତକଙ୍କ ଶବ ବ୍ୟବଚ୍ଛେଦ ଢେଙ୍କାନାଳ ମେଡିକାଲରେ କରାଯାଇଛି ରିପୋର୍ଟ ମିଳିଲା ପରେ ସରକାର ଙ୍କର ପ୍ରଦତ୍ତ ଅନୁକମ୍ପା ରାଶି ପ୍ରଦାନ କରାଯିବ । ମୃତ ରାଜେନ୍ଦ୍ର ଜଣେ ଗରିବ ଦିନ ମଜୁରିଆ ଅଟେ ତାର ଦୁଇଟି ଛୋଟ ପିଲା ଥିବାର ଜଣାଯାଏ ଏଣୁ ତୁରନ୍ତ ଉକ୍ତ ପରିବାରକୁ ସରକାରୀ ସାହାଯ୍ୟ ପ୍ରଦାନ ନିମନ୍ତେ ଗ୍ରାମବାସୀ ଙ୍କ ପକ୍ଷରୁ ଦାବି ହୋଇଛି ।