ଟାଟା ଷ୍ଟିଲ ମେରାମଣ୍ଡଳୀ ପକ୍ଷରୁ ମହିଳା ଏସ୍ସିଆର ଅପରେଟରଙ୍କୁ ନିଯୁକ୍ତିି ପ୍ରଦାନ
ନିଜ ଅନ୍ତର୍ଭୁକ୍ତିକରଣର ଯାତ୍ରା ଜାରି ରଖିବା ସହିତ ଓଡ଼ିଶାର ଢେଙ୍କାନାଳ ଜିଲ୍ଲା ରେ ଅବସ୍ଥିତ ଟାଟା ଷ୍ଟିଲ ମେରାମଣ୍ଡଳୀ (ଟିଏସ୍ଏମ୍) ପକ୍ଷରୁ ଏହାର କଞ୍ଚାମାଲ ସଂଚାଳନ ପ୍ରଣାଳୀରେ (ଆରଏମ୍ଏଚ୍ଏସ୍) ନିଜ ଭେଣ୍ଡର ସହଯୋଗୀ ଭାମନ ଇଞ୍ଜିନିୟର୍ସ ଇଣ୍ଡିଆ ଲିମିଟେଡ଼ ମାଧ୍ୟମରେ ୪ ଜଣ ମହିଳା ଅପରେଟରଙ୍କୁ ଷ୍ଟାକର-କମ୍ ରିକ୍ଲେମର (ଏସ୍ସିଆର) ଭାବେ ନିଯୁକ୍ତି ପ୍ରଦାନ କରାଯାଇଛି । ଟାଟା ଷ୍ଟିଲରେ ପ୍ରଥମ ଥର ପାଇଁ ମହିଳାମାନେ ଏସ୍ସିଆର ଅପରେଟର ଭାବେ କାର୍ଯ୍ୟ କରିବେ । ଏହାସହିତ ଜଣେ ମହିଳା ହାଇଭା ଅପରେଟର ସେମାନଙ୍କ ସହିତ ଯୋଗ ଦେଇଛନ୍ତି ।
ଟାଟା ଷ୍ଟିଲ ମେରାମଣ୍ଡଳୀର ଭାଇସ ପ୍ରେସିଡେଣ୍ଟ ସୁବୋଧ ପାଣ୍ଡେଙ୍କ ସହିତ ଅନ୍ୟ କାର୍ଯ୍ୟନିର୍ବାହୀ ଅଧିକାରୀ ମାନବ ସମ୍ବଳ ବ୍ୟବସାୟିକ ସହଯୋଗୀ ବିଭାଗ ଚିଫ୍ ସନ୍ଦିପ ଧୀର, ଲଜିଷ୍ଟିକ୍ ଅପରେସନ୍ ବିଭାଗ ଚିଫ୍ ସୁବ୍ରତ ବସାକ ଓ ଆରଏମ୍ଏଚ୍ଏସ୍ ତଥା କଂଚାମାଲ ପ୍ରକ୍ରିୟାକରଣ କାରଖାନାର ଚିଫ୍ ସୁଭ୍ରାଂଶୁ ଶେଖର ରାଉତ ନୂତନ ରୂପେ ନିଯୁକ୍ତି ପାଇଥିବା ମହିଳାମାନଙ୍କୁ ଅଭିନନ୍ଦନ ଜଣାଇବା ସହ ଏହି ମହିଳାମାନଙ୍କ ସହ ଆଲୋଚନା କରିଥିଲେ ।
ଏହି ମହିଳାମାନଙ୍କୁ ସ୍ୱାଗତ ଜଣାଇ ପାଣ୍ଡେ କହିଛନ୍ତି ଯେ, “ କାରଖାନାର ଶ୍ରମଶକ୍ତିରେ ଲିଙ୍ଗଗତ ସମାନତା ଆଣିବା ଦିଗରେ ଏହା ଏକ ସ୍ମରଣୀୟ ପଦକ୍ଷେପ ହୋଇଥିବାରୁ ଆପଣମାନଙ୍କୁ ଆମ ଟିମ୍ରେ ସାମିଲ କରି ଆମେ ବହୁତ ଖୁସି ଅନୁଭବ କରୁଛୁ । ଏକ ବିବିଧ ଓ ଅନ୍ତର୍ଭୁକ୍ତକାରୀ କାର୍ଯ୍ୟସ୍ଥଳୀ ଗଠନ ଦିଗରେ ଆମ ପ୍ରତିଶ୍ରୁତିବଦ୍ଧତାକୁ ଅଧିକ ତ୍ୱରାନ୍ୱିତ କରିବା ସହିତ ଏହି ପଦକ୍ଷେପ ମହିଳାମାନଙ୍କୁ ଏଭଳି କାର୍ଯ୍ୟ କରିବାକୁ ପ୍ରୋତ୍ସାହିତ କରିବ ।
ଏହି ଅବସରରେ ଉଦ୍ବୋଧନ ଦେଇ ବସାକ୍ କହିଛନ୍ତି ଯେ, “ଏକ ଦାୟିତ୍ୱବାନ କର୍ପୋରେଟ୍ ସଂସ୍ଥା ଭାବେ ଆମେ ନିଜ ମାନବ ପୁଞ୍ଜିର ବିବିଧତା ଉପରେ ଦୃଢ ବିଶ୍ୱାସ ରଖିଆସିଛୁ । ଏହାସହିତ ଆମ ଭେଣ୍ଡର ସହଯୋଗୀମାନଙ୍କୁ ଆମର ବିଶ୍ୱାସ ଓ ଯୋଗଦାନକୁ ଗ୍ରହଣ କରିବା ପାଇଁ ସେମାନଙ୍କ ମାର୍ଗଦର୍ଶନ କରୁଛୁ । କାର୍ଯ୍ୟ ପ୍ରଣାଳୀର ପୁନଃକଳ୍ପନା, ଶ୍ରମଶକ୍ତିର ରୂପାନ୍ତରିକରଣ ଏବଂ ଯେ କୌଣସି ସ୍ଥାନରେ କାର୍ଯ୍ୟ କରୁଥିବା ଲୋକମାନଙ୍କ ସଶକ୍ତିକରଣକୁ୍ ଏହା ପ୍ରତିଫଳିତ କରୁଛି ।
ଏକ ସଫଳ ରୂପାୟନ ସ୍ୱରୁପ ମହିଳା ଡିପ୍ଲୋମା ମେକାନିକାଲ ଇଞ୍ଜିନିୟରିଂ କରିଥିବା ଏସ୍ସିଆର ଅପରେଟର ଷ୍ଟେକିଂ ଓ ରିକ୍ଲେମିଂ ଅପରେସନ୍ରେ କାର୍ଯ୍ୟ ଆରମ୍ଭ କରିବା ପୂର୍ବରୁ ସଫଳତାର ସହ ନିଜ ପ୍ରାଥମିକ ଓ ନିଯୁକ୍ତି ସଂକ୍ରାନ୍ତୀୟ ପ୍ରଶିକ୍ଷଣ ସମାପ୍ତ କରିଛନ୍ତି । ଏହାକୁ ପୂର୍ବରୁ କେବଳ ପୁରୁଷଙ୍କ କାର୍ଯ୍ୟ ବୋଲି ଗ୍ରହଣ କରାଯାଉଥିଲା ।
ମୋଜାଇକ୍ (ଏମ୍ଓଏସ୍ଏଆଇସି) ର ଗଠନ ଠାରୁ ୨୦୧୫ରେ କମ୍ପାନୀର ବିବିଧତା ଓ ଅନ୍ତର୍ଭୁକ୍ତିକରଣ ପଦକ୍ଷେପ, ଖଣିରେ ମହିଳାଙ୍କ ନିଯୁକ୍ତି ଏବଂ ଏଲ୍ଜିବିଟିକ୍ୟୁ+ଙ୍କ ପାଇଁ ଏସିଆର ବୃହତ୍ତମ ନିଯୁକ୍ତି ମେଳା ରାଇଜ୍ (ଆରଆଇଏସ୍ଇ) ରେ ଯୋଗଦାନ ଏବଂ ଅତି ନିକଟରେ ଟ୍ରାନ୍ସଜେଣ୍ଡରମାନଙ୍କୁ ନିଯୁକ୍ତି ପ୍ରଦାନ ଭଳି ପଦକ୍ଷେପ ମାଧ୍ୟମରେ କମ୍ପାନୀ ଅନ୍ତର୍ଭୁକ୍ତିକରଣ କ୍ଷେତ୍ରରେ ଏକ ପଥ ପ୍ରଦର୍ଶକ ଭାବେ ବିକଶିତ ହେଉଛି । ଏହାସହିତ କମ୍ପାନୀ ପକ୍ଷରୁ ଋତୁସ୍ରାବକାଳୀନ ଛୁଟି, ଏଲ୍ଜିବିଟିକ୍ୟୁ+ ସହଯୋଗୀଙ୍କ ପାଇଁ ସମାନ ସୁବିଧା, ସବୁ ପ୍ରକାର ଲିଙ୍ଗର ବ୍ୟକ୍ତିଙ୍କ ପାଇଁ ମାତା ଓ ପିତା ହେବା କ୍ଷେତ୍ରରେ ଛୁଟି ଭଳି ଅନେକ ଉଲ୍ଳେଖନୀୟ ପଦକ୍ଷେପମାନ ଗ୍ରହଣ କରାଯାଇଛି ।
ଏକ ବିବିଧ, ଅନ୍ତର୍ଭୁକ୍ତିକରଣ, ସୁରକ୍ଷିତ ଏବଂ ନିରପେକ୍ଷ କାର୍ଯ୍ୟସ୍ଥଳୀ ସୃଷ୍ଟି ପାଇଁ ଟାଟା ଷ୍ଟିଲ ପ୍ରତିଶ୍ରୁତିବଦ୍ଧ ରହିଛି । ଏହାସହିତ କମ୍ପାନୀ ୨୦୨୫ ସୁଦ୍ଧା ଏକ ୨୫ ପ୍ରତିଶତ ବିବିଧ ଶ୍ରମଶକ୍ତି ସୃଷ୍ଟି କରିବାକୁ ଲକ୍ଷ୍ୟ ରଖିଛି । ଏଲ୍ଜିବିଟିକ୍ୟୁ+ କାର୍ଯ୍ୟସ୍ଥଳୀ ପାଇଁ କାର୍ଯ୍ୟସ୍ଥଳୀ ସମାନତା ସୂଚକରେ ଟାଟା ଷ୍ଟିଲକୁ ସ୍ୱର୍ଣ୍ଣ ନିଯୁକ୍ତିଦାତା ଭାବେ ସମ୍ମାନିତ କରାଯାଇଛି ।
