ନୂଆ ବର୍ଷ ରେ କପିଳାସ ଚିଡିଆଖନା ରେ ନୂଆ ଅତିଥୀ

 ନୂଆବର୍ଷ ପାଇଁ ନୂଆ ଅତିଥି । କପିଳାସ ହାତୀ ଉଦ୍ଧାର କେନ୍ଦ୍ରରେ ପହଁଚିଲା ଆଉ ଏକ ହାତୀ ଛୁଆ । ଏହି ହାତୀ ଛୁଆର ବୟସ ମାତ୍ର ୬ ମାସ । ବ୍ରହ୍ମପୁର ବନଖଣ୍ଡରୁ ଉଦ୍ଧାର ହୋଇଥିବା ଏହି ମାଈ ହାତୀଛୁଆକୁ ସ୍ୱତନ୍ତ୍ର ଗାଡି ଯୋଗେ ଗତକାଲି କପିଳାସ ଅଣାଯାଇଛି ।

ପହଁଚିବା ପରେ ତାର ସ୍ୱାସ୍ଥ୍ୟ ଅବସ୍ଥା ଏବଂ ଓଜନ ମପା ଯାଉଛି ତେବେ ହାତୀ ଛୁଆ ଟି ବର୍ତ୍ତମାନ ସୁସ୍ଥ ଅଛି ବୋଲି ଡିଏଫଓ ଶ୍ରୀ ଗୋଗିନେନୀ ପ୍ରକାଶ କରିଛନ୍ତି ।

ଏହି ହାତୀ ଛୁଆ ବାହାରୁ ଆସୁଥିବାରୁ ତାକୁ କିଛିଦିନ ସଂଗରୋଧରେ ରଖାଯିବ । ରକ୍ତ ପରୀକ୍ଷା ସହ ସ୍ୱାସ୍ଥ୍ୟ ଆଦି ପରୀକ୍ଷା କରିବା ଓ ତାକୁ ସ୍ୱତନ୍ତ୍ର ଭାବେ ଏକ ଘରେ ରଖାଯିବ ।  ଥଣ୍ଡା ଶୀତ ଦାଉରୁ ରକ୍ଷା ଓ ତାର ଖାଦ୍ୟ ଆଦି ଦିଗରେ ସ୍ୱତନ୍ତ୍ର ବ୍ୟବସ୍ଥା କରାଯାଇଛି । ଏପରିକି ଏହି ହାତୀ ଛୁଆ ପାଇଁ ଜଣେ ସ୍ଵତନ୍ତ୍ର ଡାକ୍ତର ଓ କର୍ମଚାରୀ ବ୍ୟବସ୍ଥା କରାଯାଇଥିବା ପ୍ରକାଶ କରିଛନ୍ତି ଢେଙ୍କାନାଲ ବନଖଣ୍ଡ ଅଧିକାରୀ ।

ଏହି ହାତୀ ଉଦ୍ଧାର କେନ୍ଦ୍ରରେ ନୂଆ ଅତିଥି ହାତୀ ଛୁଆକୁ ମିଶାଇ ଏବେ କପିଳାଶ ହାତୀ ଉଦ୍ଧାର କେନ୍ଦ୍ରରେ ଛୋଟ ହାତୀ ସଂଖ୍ୟା ପାଞ୍ଚରେ ପହଂଚିଛି ।ପୂର୍ବରୁ ଏଠାରେ ଚନ୍ଦୁ,କାର୍ତ୍ତିକ ଓ ଉମା  ନାମକ ୧୦ରୁ ୧୩ବର୍ଷର ୩ଟି ଓ ହିରୋ ନାମକ ତିନି ବର୍ଷର ହାତୀ ଛୁଆ ରହୁଥିଲେ ।  ଫଳରେ ଏହି କପିଳାସ ହାତୀ ଉଦ୍ଧାର କେନ୍ଦ୍ରକୁ ପୁଣି ଏକ ହାତୀ ଛୁଆ ଆଗମନରେ  ଚିଡିଆଖାନାକୁ ଲାଗି ରହିଥିବା ଏହି ହାତୀ ଉଦ୍ଧାର କେନ୍ଦ୍ର ଚଳଚଂଚଳ ହୋଇ ଉଠିଛି ।