୭ମ କେ.ସି.ସି କ୍ରିକେଟ୍ ଟୁର୍ଣ୍ଣାମେଣ୍ଟ ଉଦଯାପିତ

ହିନ୍ଦୋଳ, କାରନ୍ଦା ଖେଳ ପଡିଆରେ କାରନ୍ଦା ଗ୍ରାମ ପକ୍ଷରୁ କେ.ସି.ସି କ୍ରିକେଟ୍ ଟୁର୍ଣ୍ଣାମେଣ୍ଟର ଆଜି ଥିଲା ଉଦଯାପନ ଦିବସ (ମେଗା ଫାଇନାଲ୍)।

ଏହି ମେଗା ଫାଇନାଲ ମ୍ୟାଚ୍ ଦୁଇ ପାରମ୍ପରିକ ପ୍ରତିଦ୍ଵନ୍ଦୀ ଠୋକର କ୍ରିକେଟ୍ ଦଳ ଓ ବୋଉଳିଗଡ କ୍ରିକେଟ୍ ଦଳ ମଧ୍ୟରେ ଅନୁଷ୍ଠିତ ହୋଇଥିଲା। ଉଦଯାପନ ମ୍ୟାଚ୍ ବୋଉଳିଗଡ ଟସ୍ ବିଜୟୀ ଲାଭ କରି ପ୍ରଥମେ ବ୍ୟାଟିଂର ନିଷ୍ପତ୍ତି ନେଇଥିଲା। ଫାଇନାଲ ମ୍ୟାଚ୍ ଟି ୨୦ଓଭର ବିଶିଷ୍ଟ ହୋଇଥିଲା।

ନିର୍ଧାରିତ ୨୦ ଓଭରରେ ବୋଉଳିଗଡ ତାର ୬ ଗୋଟି ୱିକେଟ ହରାଇ ୧୬୭ ରନ୍ କରିବାରେ ସକ୍ଷମ ହୋଇଥିଲା। ଦଳ ପକ୍ଷରୁ ବିସ୍ଫୋରକ ବ୍ୟାଟସ୍ମାନ ବଳିଆ ୨୨ ଗୋଟି ବଲ ଖେଳି ୬୯ ରନ୍ କରିପାରିଥିଲେ। ସେଥି ମଧ୍ୟରୁ ବିଶାଳ ୫ ଗୋଟି ଆକର୍ଷଣୀୟ ଛକା ୯ ଗୋଟି ଦର୍ଶନୀୟ ଚୌକା ସାମିଲ୍ ଥିଲା।

ଠୋକର କ୍ରିକେଟ୍ ଦଳ ୧୬୮ ରନ୍ ର ବିଶାଳ ସ୍କୋର୍ କୁ ପିଛା କରି ନିର୍ଦ୍ଧାରିତ ୧୭. ୪ ଓଭରରେ ତାର ସମସ୍ତ ୱିକେଟ ହରାଇ ୧୪୪ରନ କରିବାରେ ସକ୍ଷମ ହୋଇ ପରାଜିତ ହୋଇ ରନସ୍-ଅଫ୍ ବିବେଚିତ ହୋଇଥିଲା। ବୋଉଳିଗଡ ୨୩ ରନ୍ ରେ ବିଜୟ ଲାଭ କରି ଚଳିତ ବର୍ଷର ଚମ୍ପିଆନ ଆଖ୍ୟା ଅର୍ଜନ କରିଥିଲା। ବୋଉଳିଗଡ ର ଷ୍ଟାର ବ୍ୟାଟସ୍ମାନ ବଳିଆ ଉଭୟ ମ୍ୟାନ୍-ଅଫ୍-ମ୍ୟାଚ୍ ଓ ପ୍ଲେୟାର-ଅଫ୍-ଟୁର୍ଣ୍ଣାମେଣ୍ଟ ବିବେଚିତ ହୋଇଥିଲେ। ।

ବେଷ୍ଟ ବ୍ୟାଟିଂ ର ଖେଳ ପ୍ରଦର୍ଶନ କରି ବଳାଆଙ୍କୁ ଶ୍ରେଷ୍ଠ ବ୍ୟାଟିଂ ର ଆଖ୍ୟା ଅର୍ଜନ କରିଥିଲା ବେଳେ ଶ୍ରେଷ୍ଠ ବୋଲିଂ ର ଖେଳ ପ୍ରଦର୍ଶନ କରି ବିଶ୍ବ ମୋହନ ଙ୍କୁ ଶ୍ରେଷ୍ଠ ବୋଲର ଭାବେ ବିବେଚିତ କରାଯାଇଥିଲା। ଖେଳକୁ ପରିଚାଳନା କରୁଥିଲେ ଦୁଇ ଦକ୍ଷ ଆମ୍ପାୟାର ଜ.ମୁଦୁଲି ଓ ଏସ୍ .ବେହେରା। ସ୍କୋର୍ ର ଦାୟିତ୍ବ ଭାର ସମ୍ଭାଳି ଥିଲେ ଦୁଇ ସ୍କୋର୍ ର ସୁବ୍ରତ ଓ ରାଜେଶ୍। କମେଣ୍ଟ୍ରି ଦାୟିତ୍ୱ ତୁଲାଇଥିଲେ ଅଶୋକ ସାହୁ, ବିପିନ ସାହୁ ।