୧୧ତମ ସୁବାଷ ମେମୋରିଆଲ କ୍ରିକେଟ ଟୁର୍ଣ୍ଣାମେଣ୍ଟର ତୃତୀୟ କ୍ବାଟରଫାଇନାଲ ମ୍ୟାଚ ରେ କଟକ ୟୁନିଅନ ସ୍ପୋର୍ଟିଂ ବିଜୟୀ

ମା ଅନ୍ଧାରୀ କ୍ରିକେଟ କ୍ଲବ ଆନୁକୁଲ୍ଯରେ ଅନୁଷ୍ଠିତ ୧୧ତମ ସୁବାଷ ମେମୋରିଆଲ କ୍ରିକେଟ ଟୁର୍ଣ୍ଣାମେଣ୍ଟର ତୃତୀୟ କ୍ବାଟରଫାଇନାଲ ମ୍ୟାଚ ରେ ଅନୁଗୁଳ ର ମା ବୁଢୀ ଦଳ ସହିତ ୟୁନିଅନ ସ୍ପୋର୍ଟଂ କଟକ ମଧ୍ଯରେ ଖେଳା ଯାଇଥିଲା ଅନୁଗୁଳ ମା ବୁଢୀ ଟସ୍ ରେ ବିଜୟୀ ହୋଇ ପ୍ରଥମେ ବ୍ୟାଟିଂ ର ନିଷ୍ପତ୍ତି ନେଇଥିଲା।

ନିର୍ଧାରିତ ୨୫ ଓଭରରେ ୮ ଗୋଟି ୱିକେଟ ହରାଇ ୨୧୨ ରନ୍ ସଂଗ୍ରହ କରିଥିଲା। ଦଳ ପକ୍ଷରୁ ଚିନ୍ମୟ ସାହୁ ୫୫ ବଲରୁ ୯୪ ରନ କରିଥିବା ବେଳେ ୟୁନିଅନ ସ୍ପୋର୍ଟିଂ ଦଳ ପକ୍ଷରୁ ରିତେଶ୍ ପାଣ୍ଡେ ୫ ଓଭରରେ ୩୬ ରନ ଦେଇ ୫ ଟି ୱିକେଟ ଅକ୍ତିଆର କରିଥିଲେ।

ଦ୍ବିତୀୟ ଇନିସ ରେ ୨୧୩ ରନ ର ବିଜୟ ଲକ୍ଷ କୁ ପିଛା କରି କଟକ ୟୁନିଅନ ସ୍ପୋର୍ଟିଂ ୨୩ ଓଭରରେ ୫ ଗୋଟି ୱିକେଟ ହରାଇ ୨୧୫ ରନ ସଂଗ୍ରହ କରି ବିଜୟୀ ହୋଇଥିଲା। ମା ବୁଢୀ ଅନୁଗୁଳ ୫ ୱିକେଟ ରେ ପରାସ୍ତ ହୋଇ ଟୁର୍ଣ୍ଣାମେଣ୍ଟରୁ ବିଦାୟ ହୋଇଛି।

କଟକ ଦଳ ପକ୍ଷରୁ ରାଜୀବ ଲୋଚନ ସାହୁ ୫୩ ବଲ୍ ରୁ ୭୦ରନ କରି ମ୍ୟାନ-ଅଫ-ଦ-ମ୍ୟାଚ ହୋଇଥିଲେ । ଖେଳକୁ ପରିଚାଳନା କରୁଥିଲେ ପ୍ରଶାନ୍ତ ଦାସ ଓ ସନ୍ତୋଷ ସାମଲ ।