ଗୁରୁ ପୂର୍ଣ୍ଣିମା ଭାବନା

“ଗୁ’ ଅନ୍ଧକାର ଅଜ୍ଞାନପ୍ରକାର
      “ରୁ’ କାର ତହୁଁ ନିବୃତ୍ତି
ସାଧକଜୀବନ କଲ୍ୟାଣ କାରଣ
     ଶ୍ରୀ ଗୁରୁ ପଦେ ପ୍ରଣତି  l

ଋଷିତ୍ୱ ଦେବତ୍ଵ ଜାଗୃତିର ମନ୍ତ୍ର
    ଦାନେ ସଦା ତତପର
ତୁମରି କୃପାରେ ଦିବ୍ୟ ଜନ୍ମମିଳେ
      ବନ୍ଦେ ଚରଣ ଯୁଗଳ  l

ଅନ୍ଧାରୁ ଆଲୋକ ବନ୍ଧନରୁ ମୋକ୍ଷ
   ଅଜ୍ଞାନରୁ ଜ୍ଞାନ ପଥେ
ଜୟ ଗୁରୁଦେବ ଶିଷ୍ୟ ଜୀବ ଧଵ
    ଚଳାଅ ସେ ପଥେ ନିତ୍ୟେ l

ଅମୃତ ସଂଧାନେ ଅମୃତତ୍ୱ ପାନେ
   ଅପୁର୍ଣ୍ଣରୁ ପୂର୍ଣ୍ଣଗତି
ସଂଶୟର କ୍ଷୟ ତବ କୃପା ଚୟ
    ଶୁଭ ଦlନେ ସଦା ସ୍ଥିତି l

ନିତ୍ୟ ଆରାଧନା ଜୀବନସାଧନା
     ଏ ଜୀବନ ମହାବ୍ରତ
ଜୟ ଗୁରୁଦେବ ଜୀବନ ବାନ୍ଧବ
     ଶ୍ରୀଚରଣେ ମଥା ନତ  l

✍️  ଇଂ.ବସନ୍ତ କୁମାର ବରାଳ