ଟ୍ୟାଙ୍କର ଧକ୍କାରେ ଜଳିଗଲା ସ୍କୁଟି, ଚାଳକ ଗୁରୁତର

ଆଜି ୫୫ ନଂ ଜାତୀୟ ରାଜପଥ ପୋଡାପଡା ଠାରେ ଏକ ଟ୍ୟାଙ୍କର ଧକ୍କାରେ ଗୋଟିଏ ସ୍କୁଟି ଜଳିଯିବା ସହିତ ସ୍କୁଟି ଆରୋହି ଗୁରୁତର ଆହତ ହୋଇ ଚିକିତ୍ସିତ ହେଉଥିବା ଜଣାପଡିଛି ।

ସୂଚନା ଅନୁଯାୟୀ ,ଆଜି ସକାଳ ପ୍ରାୟ ୯ ଘଟିକା ସମୟରେ ପୋଡାପଡା ଗ୍ରାମର ସମିର ରାଉତ ଓରଫ ବାପି (୨୯)ନାମକ ଯୁବକ ଏକ ସ୍କୁଟି ଚଳାଇ ନିଜ ଘର ପୋଡାପଡା ଗ୍ରାମକୁ ଯାଉଥିବା ବେଳେ ପଛପଟରୁ ଏକ ତେଲ ଟ୍ୟାଙ୍କର ପୋଡାପଡା ଛକ ନିକଟରେ ସ୍କୁଟି କୁ ଧକ୍କା ଦେଇଥିଲା , ଯାହା ଫଳରେ ସ୍କୁଟି ଆରୋହି ରାସ୍ତା କଡକୁ ଛିଟିକି ପଡ଼ି ଗୁରୁତର ଆହତ ହୋଇଥିଲେ।

ସ୍କୁଟି ଟି ରାସ୍ତା ଉପରେ ହୁତୁହୁତୁ ହୋଇ ଜଳି ଯାଇଥିଲା । ଗୁରୁତର ଆହତ ସମିର ଙ୍କୁ ସ୍ଥାନୀୟ ଲୋକମାନେ ଚିକିତ୍ସା ନିମନ୍ତେ ଢେଙ୍କାନାଳ ଡାକ୍ତରଖାନାକୁ ନେଇଯାଇଛନ୍ତି । ଟ୍ୟାଙ୍କର ଡ୍ରାଇଭର ହିନ୍ଦୋଳ ରୋଡ ଫାଣ୍ଡି ରେ ଆତ୍ମସମର୍ପଣ କରିଥିବା ଜଣାପଡିଛି। ହିନ୍ଦୋଳ ରୋଡ ଫାଣ୍ଡି ଏକ କେସ ରୁଜୁ କରି ତଦନ୍ତ ଚଳାଇଥିବା ଜଣାପଡ଼ିଛି ।