ଭୁବନରୁ ଆସିଲା ହୃଦୟ ବିଦାରକ ଦୃଶ୍ୟ, ବିଲମାଳ ରେ ଶବ ଝୁଣିଲା ବୁଲା କୁକୁର

ଉଦୁଉଦିଆ ଖରା ଚାରି ଆଡ଼ ସୁନସାନ, ବିଲ ମାଲରେ ପଡିରହିଛି ବୃଦ୍ଧା ଙ୍କ ଶବ ଏଭଳି ଦୃଶ୍ୟ ଦେଖି ଅତିଷ୍ଠ ସ୍ଥାନୀୟ ବାସିନ୍ଦା । କୁକୁର ଙ୍କୁ ଘଉଡାଇବା ସହ ତାଙ୍କ କବଳରୁ ରକ୍ଷା କରିଥିଲେ । ଏଭଳି ହୃଦୟ ବିଦାରକ ଘଟଣା ଘଟିଛି ଢେଙ୍କାନାଳ ଜିଲ୍ଲା ଭୁବନ ବିଜ୍ଞାପିତ ଅଞ୍ଚଳରେ ।

ସୂଚନା ଅନୁଯାୟୀ ଭୁବନ ବିଜ୍ଞାପିତ ଅଞ୍ଚଳ ପରିଷଦ ୱାର୍ଡ ନମ୍ବର ଦୁଇ ନଟାକଟା କଲୋନୀ ବାସିନ୍ଦା ଦେବକୀ ଦେଇ ବୟସ ପ୍ରାୟ ୮୦ ଜଣେ ଅତିଶୟ ଗରିବ ଶ୍ରେଣୀର ମହିଳା । ପେଟ ପୋଷିବାକୁ ଭିକ୍ଷା ବୃତି କରିଚଳନ୍ତି  କେବେ ପିପାଇଲେ ଖାଆନ୍ତି କେବେ ଅପୋଷା ଶୁଅନ୍ତି । ତେବେ ବିଭିନ୍ନ ସମୟରେ ସ୍ୱେଛାସେବୀ ସଂଗଠନ ପକ୍ଷରୁ ତାଙ୍କୁ ଚିକିତ୍ସା ସେବା ଯୋଗଇ ଦିଆଯାଇଥାଏ ବୋଲି ଜଣାଯାଇଛି । ହେଲେ ଗତ ଚାରିଦିନ ହେଲା ବୃଦ୍ଧା ଜଣଙ୍କ ନିଖୋଜଥିବା କଥା ପଡୋଶୀ ଜଣାଇଥିଲେ ।   ତେବେ ନଟାକଟା ବିଲମାଳ ମଧ୍ୟରେ ବୃଦ୍ଧାଙ୍କ ମୃତ ଶରୀରକୁ କୁକୁର ଝୁଣି ଖାଉଥିବାର ସ୍ଥାନୀୟ ଲୋକଙ୍କ ଠାରୁ ଖବର ମିଳିଥିଲା । ପରେ  ବସ୍ତି ବାସିନ୍ଦା ବିଲମାଳକୁ ଯାଇ କୁକୁର କବଳରୁ ବୃଦ୍ଧାଙ୍କ ଶବ ଉଦ୍ଧାର କରିଥିବା ବେଳେ ସତ୍କାର କରିଥିଲେ ।