ହାତୀ ଆକ୍ରମଣରେ ଆହତ କାଳନ୍ଦୀଙ୍କୁ ମିଳୁନାହିଁ ଆର୍ଥିକ ସହାୟତା

ଗତ ଡିସେମ୍ବର ୨୦୨୩ ଦଶ ତାରିଖ ସକାଳ ୫ଟା ବେଳେ ଗଁଦିଆ ବ୍ଲକ ଆଙ୍କୁରଦା ଗ୍ରାମର କାଳନ୍ଦୀ ପ୍ରଧାନ ଶୌଚ ପାଇଁ ଯାଇଥିବା ବେଳେ ହାତୀ ଆକ୍ରମଣର ଶିକାର ହୋଇଥିଲେ l ତାଙ୍କର ଡାହାଣ ଗୋଡ଼ଟି ଅଣ୍ଟା ଠାରୁ ପାଦ ପର୍ଯ୍ୟନ୍ତ ଚାରି ଜାଗାରେ ଭାଙ୍ଗି ଯାଇଛି l ସେ କଟକ ଅଶ୍ୱିନୀ ହସ୍ପିଟାଲରେ ଲକ୍ଷାଧିକ ଟଙ୍କା ଖର୍ଚ୍ଚ କରି ଦୀର୍ଘ ଦୁଇ ମାସ ଚିକିତ୍ସା ପରେ ଗତ ଫେବୃଆରୀ ମାସରେ ଘରକୁ ଫେରିଲେ l

ଏବେ ରୀତିମତ ବ୍ୟାଣ୍ଡେଜ କରିବା ଓ ତାଙ୍କୁ ସ୍ଥାନୀୟ ଡାକ୍ତରଖାନା କୁ ନେବାପାଇଁ ଅର୍ଥାବଳ ନାହିଁ l ଏକମାତ୍ର ପୁଅ ସେବା ନକରିବାରୁ କାଳନ୍ଦୀ ଏବେ ବିବାହିତା ଝିଅ ଘରେ ଆଶ୍ରୟ ନେଇଛନ୍ତି l ପ୍ରଥମରୁ ବନ ବିଭାଗ ଦ୍ୱାରା ବିଭିନ୍ନ ଆର୍ଥିକ ସହାୟତା ପାଇଁ ପ୍ରତିଶୃତି ଦେଇଥିଲେ l ଦୁଃଖର ବିଷୟ ଯେ ଏପର୍ଯ୍ୟନ୍ତ କାଳନ୍ଦୀଙ୍କୁ କିଛି ଆର୍ଥିକ ସାହାଯ୍ୟ ମିଳିନାହିଁ l ଷଡ଼ଙ୍ଗୀ ରେଞ୍ଜର ଏବଂ ଜିଲ୍ଲା ବନାଞ୍ଚଳ ଅଧିକାରୀଙ୍କୁ ବାରମ୍ବାର ଅନୁରୋଧ କରାଯାଇଥିଲେ ମଧ୍ୟ କେହି କର୍ଣ୍ଣଗୋଚର କରୁନାହାନ୍ତି l କାଳନ୍ଦୀଙ୍କୁ ଆର୍ଥିକ ସାହାଯ୍ୟ ନମିଳିଲେ ଗ୍ରାମବାସୀ ମlନେ ରାସ୍ତା ରୋକ କରିବା ସହିତ ଆନ୍ଦୋଳନକୁ ଓହ୍ଲାଇବେ ବୋଲି ଚେତାବନୀ ଦେଇଛନ୍ତି l