ବୁଦ୍ଧେଶ୍ଵର ମହୋତ୍ସବରେ ଖୁଣ୍ଟରେ ବାନ୍ଧି ମାଡ଼ ଘଟଣାରେ ୪ଗିରଫ

ଭୁବନ ଥାନା ଅନ୍ତର୍ଗତ ବୁଦ୍ଧେଶ୍ଵର ମହୋତ୍ସବରେ ମୀନାବଜାର ଦୋଳି ପଡ଼ିଥିବା ଗୋପାଳପୂର ୟୁନିଟ ୧୮ ଖତିଆନ ୪୧ପ୍ଲଟ ୮୫୭ ଜମିର ମାଲିକାନା ପ୍ରଶାନ୍ତ ମଲ୍ଲିକ ଙ୍କ ଜେଜେ ନାମରେ ରହିଛି । ପ୍ରଶାନ୍ତ କିମ୍ବା ତାଙ୍କ ବାପା ଭାରତ ମଲ୍ଲିକ କୁ ନଜଣାଇ ମୀନା ବଜାର ଦୋଳି ପକାଯାଇଥିଲା । ଫଳରେ ଜମିକୁ ଜେଶିବି ଲଗାଇ ହିଡ ଭଙ୍ଗା ଯାଇଥିବା ଅଭିଯୋଗ କରିଥିଲେ ପ୍ରଶାନ୍ତ ।

ପ୍ରଶାନ୍ତ କୁମାର ମଲ୍ଲିକ ମୀନା ବଜାର ଦୋଳି ମାଲିକଙ୍କ ସହ କଥା ହେବାକୁ ନେଇ ମହୋତ୍ସବ ପରିଚାଳନା କମିଟିର ଦିପୁ ସାହୁ ଓ ରାଜା ପୃଷ୍ଟିଙ୍କ ସହ ପ୍ରଥମେ କଥା କଟା କାଟି ପରେ ମାଡପିଟ ହୋଇଥିବା ଏତଲାରୁ ଜଣାପଡିଛି । ଏନେଇ ପ୍ରଶାନ୍ତ ଓ ରାଜାଙ୍କ ଏତଲାକୁ ନେଇ ୨ଟି ମାମଲା ରୁଜୁ ହୋଇଛି । ୩୦ ତାରିଖରେ ଦିପୁ ସାହୁ ପୁଅକୁ ସ୍କୁଲ୍ ଛାଡ଼ିବା ସମୟରେ ପ୍ରଶାନ୍ତ ଙ୍କ ସମର୍ଥକ ଦିପୁ ଙ୍କୁ ଦଉଡିରେ ବାନ୍ଧି ମାଡ଼ ମାରିଥିବା ଘଟଣା ସ୍ଥଳରେ ପୋଲିସ ପହଞ୍ଚି ଦିପୁଙ୍କୁ ଉଦ୍ଧାର କରିଥିଲେ । ଦିପୁଙ୍କ ଏତଲା ଓ ଭାଇରାଲ ହେଉଥିବା ଭିଡ଼ିଓ କୁ ଭିତି କରି ୩ୟ କେସ ରୁଜୁ କରାଯାଇଥିଲା ।

ଭୁବନ ପୋଲିସ ଦ୍ୱାରା ଗୁରୁବାର ଦିନ ୪ଜଣଙ୍କୁ ଗିରଫ କରାଯାଇଛି । ଗିରଫ ବ୍ୟକ୍ତିମାନେ ହେଲେ ସନ୍ତୋଷ ମଲ୍ଲିକ(୩୩) ଓ ତାଙ୍କ ବାପା ଭରତ ମଲ୍ଲିକ(୬୩) , ମାନସ ମଲ୍ଲିକ(୨୮) ଓ ତାଙ୍କ ବାପା ଗନ୍ଧର୍ବ ମଲ୍ଲିକ(୫୫) । ଏ ନେଇ ବେଶ ଉତେଜନା ଦେଖାଯାଇଛି । ଏନେଇ କାମାକ୍ଷାନଗର ଉପକ୍ଷଣ୍ଡ ପୋଲିସ ଅଧିକାରୀ ପ୍ରଭାତ ତ୍ରିପାଠୀଙ୍କୁ ଯୋଗାଯୋଗ କରାଯାଇଥିଲା ସେ କୁହନ୍ତି ପ୍ରଶାନ୍ତ ମଲ୍ଲିକ ଅଭିଯୋଗ ଭିତିରେ ଦୀପକ ସାହୁ( ଦିପୁ) ଓ ରାକେଶ କୁମାର ପୃଷ୍ଟି( ରାଜା) ଙ୍କୁ ୪୧ (ଖ)ଦଫାରେ ଜାମିନ ମିଳିଛି । ବୁଦ୍ଧେଶ୍ୱର ମହୋତ୍ସବ ସଂପର୍କ କୁ ନେଇ ହୋଇଥିବା ୩ଟି ମାମଲା ର ଅଧିକ ତଦନ୍ତ କରାଯାଉଛି ।