ବୁଦ୍ଧେଶ୍ବର ଙ୍କ ଫୋଟ ଡଷ୍ଟବିନରେ ଲଗାଇ ଅପଦସ୍ତ ଏନ୍ ଏ ସି

ସ୍ଵଚ୍ଛ ସର୍ଭେକ୍ଷଣ ପାଇଁ ସଜେଇ ହୋଇଛି ଭୁବନ ବିଜ୍ଞାପିତ ଅଞ୍ଚଳ ପରିଷଦ । ଅଞ୍ଚଳର ଆରାଧ୍ୟ ଦେବ ବାବା ବୁଦ୍ଧେଶ୍ୱରଙ୍କ ଫଟୋ ଚିତ୍ରକୁ ଡଷ୍ଟବିନରେ ଲଗାଇ ଅପଦସ୍ତ ହୋଇଛନ୍ତି ଏନ୍ ଏ ସି ପରିଚାଳକ। ଶ୍ରଦ୍ଧାଳୁଙ୍କୁ ଅପମାନିତ କରିଛି ବିଜ୍ଞାପିତ ପରିଷଦ। ସମ୍ବେଦନଶିଳ ଘଟଣାଟି ଘଟିଛି ଢେ଼ଙ୍କାନାଳ ଜିଲ୍ଲା ଭୁବନ ବିଜ୍ଞାପିତ ଅଞ୍ଚଳ ଅନ୍ତର୍ଗତ ପୁରୁଣା ପୋଲିସ ଷ୍ଟେସନ ମଧ୍ୟରେ ଥିବା ଶୌଚାଳୟ ସମ୍ମୁଖ ଏବଂ ସେଣ ସାହିରେ ।

ବିଜ୍ଞାପିତ ଅଞ୍ଚଳ ପରିଷଦ କାର୍ଯ୍ୟାଳୟ ତରଫରୁ ରଖାଯାଇଥିବା ଡଷ୍ଟବିନ୍ ବା ଅଳିଆ ପକାଇବା ପ୍ଲାଷ୍ଟିକ ଡବାରେ ଫଟୋ ଚିତ୍ର ରହିଛି ଭୁବନର ଆରାଧ୍ୟ ଦେବ ବାବା ବୃଦ୍ଧେଶ୍ୱରଙ୍କର ।ଯାହାକୁ ନେଇ ତୀବ୍ର ପ୍ରତିକ୍ରିୟା କରିଛନ୍ତି ଅଞ୍ଚଳର ବୁଦ୍ଧିଜୀବୀ । ତେବେ ଘଟଣାଟି ସୋସିଆଲ ସାଇଟରେ ଘୁରି ବୁଲିବା ଖବର ପାଇ ଜଣେ ଠିକାଦାର ଏହାକୁ ଉଠାଇ ନେଇଛନ୍ତି । ଏହାକୁ ନେଇ ଦୁଃଖ ପ୍ରକାଶ କଲେ ନିର୍ବାହୀ ଅଧିକାରୀ ଲୋକନାଥ ବେଜ। ଲୋଗୋରୁ ହଟିବ ମନ୍ଦିର ଫଟୋ ବୋଲି ୧୦ ସାଧାରଣ ବୈଠକରେ ଆଲୋଚନା ହୋଇଥିବା କୁହନ୍ତି ନଗରପାଳ ଶୁଭେନ୍ଦୁ ସାହୁ ।