ହୃଦୟ ମନ୍ଦିରେ

ହୃଦୟ ମନ୍ଦିରେ ମନ ସଳିତାରେ
     ଲୁହର ଦୀପାଳୀ ଜାଳି
ସାଜି ପୂ ଜାରିଣୀ କରିଛି ପ୍ରତୀକ୍ଷା
      ଧରି ନିରାଜନା ଥାଳି ||0||

ମନ ଯମୁନାରେ ଉଜାଣି ଉଠୁଛି
     ଝରେ ପ୍ରେମ ସୁଦ୍ଧା ବାରି
ଆଶା ଉପବନେ ଭକତି ଶେଫାଳୀ
     ଫୁଟେ ମହକିତ କରି
ମାତଙ୍ଗୀ ଶବରୀ ସାଜି ଚାହିଁଅଛି
     ସ୍ବାଦୁ ବନଫଳ ତୋଳି ||1||

ନିଃଶ୍ୱାସେ ପ୍ରଶ୍ୱାସେ ସଦା ମୂଁ ଜପୁଚି
      ଜଗନ୍ନାଥ ଜଗନ୍ନାଥ
ନୟନ ମୁଦିଲେ ଦିଶି ଯାଉଅଛି
      ତୁମ ନୀଳଚକ୍ର ନେତ
ଦେହ ନନ୍ଦୀଘୋଷ ଯାଉଅଛି ଗଡ଼ି
      ଛୁଇଁ ବଡଦାଣ୍ଡ ଧୂଳି ||2||

✍️ସରୋଜିନୀ ସାହୁ