ବାଇକ ଦୁର୍ଘଟଣାରେ ଜଣେ ମୃତ ,ଦୁଇ ଆହତ

ଢେଙ୍କାନାଳ ଜିଲ୍ଲାର ହିନ୍ଦୋଳ ଉପଖଣ୍ଡରେ ବିଦାୟୀ ବର୍ଷର ଶେଷ ଦିନରେ ମର୍ମନ୍ତୁତ ଦୁର୍ଘଟଣାରେ ଜଣଙ୍କର ମୃତ୍ୟୁ ହୋଇଥିବାବେଳେ ଦୁଇଜଣ ଗୁରୁତର ଆହତ ହୋଇଛନ୍ତି।

ସୂଚନା ଅନୁଯାୟୀ , ଆଜି ଦିବା ୧୧ଘଣ୍ଟା ସମୟରେ ଠେଙ୍ଗାଗ୍ରାମର ଚନ୍ଦନ ଦେହୁରୀ କୌଣସି କାର୍ଯ୍ୟରେ ଘରୁ ଯାଉଥିବାବେଳେ ଜରଡ଼ା ପଂଚାୟତ ବଳିଆବନ୍ଧ ନିକଟରେ ବିପରୀତ ଦିଗରୁ ବାଇକରେ ଆସୁଥିବା ଚିତ୍ତଲପୁର ଗ୍ରାମର ନବକିଶୋର ପଲେଇଙ୍କ ପୁଅ ସୁବ୍ରତ ପଳେଇ ଓ ତାଙ୍କ ବନ୍ଧୁ ଚେଇଁ ଦେହୁରୀ ଙ୍କ ବାଇକ ସହ ମୁହାଁମୁହିଁ ଧକ୍କା ହୋଇଥିଲା। ଫଳରେ ତିନିଜଣ ଛିଟିକି ପଡି ଗୁରୁତର ଆହତ ହୋଇଥିବା ବେଳେ ବାଇକ ଦୁଇଟି ଭାଙ୍ଗି ଚୁରମାର ହୋଇଯାଇଛି।ସ୍ଥାନୀୟ ଅଧିବାସୀଙ୍କ ଠାରୁ ଖବରପାଇ ଗୁରୁତର ଆହତ ମାନଙ୍କୁ ଆମ୍ବୁଲାନ୍ସ ଯୋଗେ ପ୍ରଥମେ ରାସୋଳ ଡାକ୍ତରଖାନା ନିଆଯାଇଥିଲା। ତେବେ ଗୁରୁତର ଚନ୍ଦନଙ୍କୁ ଡାକ୍ତର ଢେଙ୍କାନାଳ ଡାକ୍ତରଖାନା ପଠାଇ ଦେଇଥିଲେ ମାତ୍ର ଡାକ୍ତର ତାଙ୍କୁ ମୃତ୍ୟୁ ଘୋଷଣା କରିଥିଲେ। ଅନ୍ୟ ଆହତ ସୁବ୍ରତଙ୍କୁ ହିନ୍ଦୋଳ ଡାକ୍ତରଖାନା ଓ ଚେଇଁଙ୍କୁ ଅନୁଗୋଳ ଆମ୍ବୁଲାନ୍ସ ଯୋଗେ ପରିବାର ଲୋକେ ଅଧିକ ଚିକିତ୍ସା ପାଇଁ ନେଇଛନ୍ତି। ଖବର ପାଇ ରାସୋଳ ପୋଲିସ ଦୁର୍ଘଟଣାଗ୍ରସ୍ତ ବାଇକ ଦୁଇଟି ଜବତ କରି ତଦନ୍ତ ଜାରି ରଖିଛି ।