ଶାରୀରିକ ଅକ୍ଷମ କାହ୍ନୁ ପାଇଁ ସରକାରୀ ସହାୟତା ସାତସପନ

ଓଡ଼ାପଡ଼ା ବ୍ଲକ ବଦାଳୁ ପଞ୍ଚାୟତ ଅନ୍ତର୍ଗତ ହାଣ୍ଡିଫୁଟା ଗ୍ରାମର ହରିଜନ ବସ୍ତିର କାହ୍ନୁ ନାଏକ ଜଣେ ଶାରୀରିକ ଅକ୍ଷମ ଗରିବ ବ୍ୟକ୍ତି ସରକାରୀ ସହାୟତାରୁ ବଞ୍ଚିତ ଥିବା ଅଭିଯୋଗ କରିଛନ୍ତି।ଗରିବ ଜନତାଙ୍କର ଆର୍ଥିକ ଅବସ୍ଥାର ଉନ୍ନତ ଆଣିବା ପାଇଁ କେନ୍ଦ୍ର ସରକାରଙ୍କ ଠାରୁ ରାଜ୍ୟ ସରକାରଙ୍କ ପର୍ଯ୍ୟନ୍ତ ଅନେକ ଯୋଜନା କାର୍ଯ୍ୟକାରୀ କରୁଥିଲେ ମଧ୍ୟ ସେହି ସବୁ ଯୋଜନାରୁ ଗରିବମାନେ କେତେ ଉପକୃତ ହେଉଛନ୍ତି ତାହା କୈାଣସି ଅଧିକାରୀ ଦେଖିବାକୁ ଯାଆନ୍ତି ନାହଁ। ଫଳରେ ସରକାରଙ୍କ ଲକ୍ଷ ଉଦେଶ୍ୟ ସାଧିତ ହୋଇ ପାରୁ ନଥିବା ଜଣାପଡ଼ିଛି। ଗ୍ରାମାଞ୍ଚଳର ଅନେକ ବସ୍ତିରେ ରହୁଥିବା ଅସହାୟ ପରିବାର ସରକାରୀ ସୁବିଧା ସୁଯୋଗରୁ ବଞ୍ଚିତ ହୋଇ ନାନା ସମସ୍ୟା ମଧ୍ୟରେ କାଳାତିପାତ କରୁଥିବା ଦେଖିବାକୁ ମିଳୁଥିଲେ ମଧ୍ୟ ନିର୍ବାଚିତ ପ୍ରତିନିଧି ମାନଙ୍କର ପରବାୟ ନାହିଁ ।

ଏହି ଅସହାୟଙ୍କ ମଧ୍ୟରେ ହାଣ୍ଡିଫୁଟା ହରିଜନ ବସ୍ତିର କାହ୍ନୁ ନାଏକ ଅନ୍ୟତମ ଅଟନ୍ତି। କାହ୍ନୁର ପରିବାର କହିଲେ କାହ୍ନୁ ତାର ସ୍ତ୍ରୀ,୫ଵର୍ଷର ପୁଅ ୭ ଵର୍ଷର ଝିଅ, ଏଵଂ ୭୦ ବର୍ଷ ର ବିଧବା ମାଆ। କାହ୍ନୁ ଗତ ୫ ବର୍ଷ ଧରି ଦୁରାରୋଗ୍ୟ ବ୍ୟାଧିର ଶିକାର ହୋଇ ଭଙ୍ଗାରୁଜା ଦଦରା ଘରେ ପଡି ରହିଛନ୍ତି। ସେମାନଙ୍କ ପରିବାର କୁ ସରକାରୀ ସହାୟତା ଭାବରେ ମାସକୁ ୨୦ କିଲୋ ଚାଉଳ ମିଳୁଛି । ଅନ୍ୟାନ୍ୟ ସରକାରୀ ଯୋଜନା ସେମାନଙ୍କ ଭାଗ୍ୟରେ ନାହିଁ। ରାଜ୍ୟରେ ଡବଲ ଇଞ୍ଜିନି ସରକାର ଚାଲିଛି। ସବୁ କଚ୍ଚାଘରକୁ ପକ୍ଳା କରିବା ଲକ୍ଷ୍ୟରେ ସରକାରଙ୍କ ନିର୍ଦ୍ଦେଶ କ୍ରମେ ସରକାରୀ ବାବୁ ମାନେ ଘର ଘର ବୁଲି ସର୍ବେ କରୁଛନ୍ତି କିନ୍ତୁ ଏହି କାହ୍ନୁ ନାଏକଙ୍କ ଭଙ୍ଗା ଦଦରା ଘରକୁ କେହି ଆଡ ଆଖିରେ ଚାହୁଁ ନଥିବା କାହ୍ନୁ ନାଏକ ଅଭିଯୋଗ କରିଛନ୍ତି। ଗତ ଏକ ମାସ ତଳେ କାହ୍ନୁ ନାଏକ ଙ୍କ କଚ୍ଚା ଘର କୁ ବଣୁଆ ହାତୀ କିଛି ଅଂଶ ଭାଙ୍ଗି ଦେଇଥିଲେ। କାହ୍ନୁ ତାହା ମରାମତି କରିପାରୁ ନାହିଁ।ଘର ଖଣ୍ଡିଏ କରିବା ପାଇଁ ଆର୍ଥିକ ସହାୟତା ନିମନ୍ତେ ଲିଖିତ ଭାବରେ ଜଣାଇଥିଲେ ମଧ୍ୟ ଓଡ଼ାପଡ଼ା ବ୍ଲକ ପ୍ରଶାସନ ପକ୍ଷରୁ ଆଜି ପର୍ଯ୍ୟନ୍ତ କାହ୍ନୁ ନାଏକଙ୍କ ଅନୁରୋଧ କୁ ବିଚାର କୁ ନେଇ ନଥିବା କାହ୍ନୁ ଅଭିଯୋଗ କରିଛନ୍ତି।ଏ ସମ୍ପର୍କରେ ବଦାଳୁ ପଞ୍ଚାୟତ ସରପଞ୍ଚ କ୍ରୀଷ୍ମା ମହାନ୍ତି ଙ୍କୁ ପଚାରିଵାରୁ ସେ ମହାଶୟ କହିଛନ୍ତି ତାଙ୍କ ସମୟରେ କୈାଣସି ଆବାସ ଯୋଜନା ଆସିନଥିଲା, ଏବେ ଅନ ଲାଇନରେ ଆବେଦନ କରିବା ପାଇଁ କହିଛନ୍ତି।