କେନାଲକୁ ଗାଧୋଇବାକୁ ଯାଇ ଯୁବକ ମୃତ

ପବିତ୍ର ଦୋଳପୂର୍ଣ୍ଣିମା ଉପଲକ୍ଷେ ଅଧିକାଂଶ ଗାଁ ମାନଙ୍କରେ ଦୋଳ ଉତ୍ସବ ଆନନ୍ଦଉଲ୍ଲାସରେ ପାଳନ ହେଉଥିବା ବେଳେ ଢେଙ୍କାନାଳ ଜିଲ୍ଲା ପରଜଙ୍ଗ ବ୍ଲକ ମାଣିକମରା ପଞ୍ଚାୟତ ଅନ୍ତର୍ଗତ ସରକିଶୋରପାଳ ଗାଁରେ ଶୋକାକୁଳ ପରିବେଶ ଦେଖିବାକୁ ମିଳିଥିଲା l ଗାଁ ନିକଟରେ ତାଳଚେର ସମଲ ଠାରୁ ପରଜଙ୍ଗ କାମାକ୍ଷାନଗର ଅଭିମୁଖେ ଯାଇଥବା ରେଙ୍ଗାଲି ବାମପାର୍ଶ୍ଵ ମୁଖ୍ୟ କେନାଲକୁ ସରକିଶୋରପାଳ ଗ୍ରାମର ଖଗେଶ୍ୱର ସାହୁଙ୍କ ୨୬ବର୍ଷୀୟ ପୁଅ ପ୍ରବୀଣ ସାହୁ ଗାଧୋଇବାକୁ ଯାଇ ଆଉ ଘରକୁ ଫେରିନଥିଲେ l

ଘରକୁ ପ୍ରବୀଣ ଫେରିବା ବିଳମ୍ବ ହେବାରୁ ପରିବାର ଓ ସାହି ପଡୋଶୀ ଖୋଜାଖୋଜି କରିବା ପରେ କୌଣସି ସନ୍ଧାନ ପାଇ ନଥିଲେ l ପରିବାର ଲୋକେ ନିରାଶ ହୋଇ ପରଜଙ୍ଗ ଅଗ୍ନିଶମ କେନ୍ଦ୍ରକୁ ଜଣାଇଥିଲେ l ଖବର ପାଇ ଅଗ୍ନିଶମ ବାହିନୀର କର୍ମଚାରୀ ପହଁଞ୍ଚି ଗଭୀରତମ କେନାଲ ଭିତରେ ପଶି ପାଣିରେ ବହୁତ ସମୟ ଖୋଜାଖୋଜି କରିବା ପରେ ଗଭୀର ପାଣିରୁ ଉଦ୍ଧାର କରି ଉପରକୁ ଆଣିଥିଲେ ମଧ୍ୟ ସେତେବେଳକୁ ପ୍ରବୀଣ ଆଉ ପ୍ରାଣ ବାୟୁ ଉଡିସାରିଥିଲା l ଖବର ପାଇ ପୋଲିସ ଘଟଣା ସ୍ଥଳୀରେ ପହଁଞ୍ଚି ଶଵ ଜବତ କରି ବ୍ୟବଚ୍ଛେଦ ପାଇଁ ପରଜଙ୍ଗ ଗୋଷ୍ଠୀ ସ୍ୱାସ୍ଥ୍ୟ କେନ୍ଦ୍ରକୁ ପଠାଇଥିଲା l