ସବର୍ଣ୍ଣ ଓ ଅସବର୍ଣ୍ଣଙ୍କ ମଧ୍ୟରେ ଥମିବାର ନାଁ ଧରୁନାହିଁ ବିବାଦ

ଢେଙ୍କାନାଳ ଜିଲ୍ଲା ପରଜଙ୍ଗ ଗ୍ରାମ ଭାଲିଆ ତଇଲା ଦଳିତ ବସ୍ତି ଏବଂ ଖଣ୍ଡୁଆଳମୁଣ୍ଡା ଗ୍ରାମର ସବର୍ଣ୍ଣ ଯୁବକ ଙ୍କ ମଧ୍ୟରେ ବିବାଦ ଥମିବାର ନାଁ ଧରୁନାହିଁ ଫଳ ରେ ଭିତରେ ଭିତରେ ଅସନ୍ତୋଷ ବୃଦ୍ଧି ପାଉଛି । ସୂଚନା ଯୋଗ୍ୟ ଖଣ୍ଡୁଆଳମୁଣ୍ଡା ସବର୍ଣ୍ଣ ସାହିରେ ବୁଧବାର ମାଘ ପୂର୍ଣ୍ଣମା ଯାତ୍ରା ହୋଇଥିବା ବେଳେ ରାତିରେ ଦଣ୍ଡ ନାଚ ପରିବେଷଣ ହୋଇଥିଲା । ସେହିଦିନ ଭାଲିଆତଇଲା ସାହିର ଜଣେ ଯୁବକ ଙ୍କ ସହ ଖଣ୍ଡୁଆଳମୁଣ୍ଡା ସବର୍ଣ୍ଣ ସାହିର କିଛି ଯୁବକ ଙ୍କ ସହ ଝଗଡା ହୋଇଥିଲା ଏହାକୁ ନେଇ ଖଣ୍ଡୁଆଳମୁଣ୍ଡା ର ୫ ଜଣ ଙ୍କ ନାମରେ ମାମଲା ହୋଇଛି, ତେବେ ଭାଲିଆ ତଇଲା ଦଳିତ ବସ୍ତିର ଯେଁଉ ଯୁବକ ସହିତ ଗଣ୍ଡଗୋଳ ହୋଇଥିଲା ସେହି ଯୁବକ ଶୁକ୍ରବାର କିଛି ସାଙ୍ଗ ମାନଙ୍କ ସହ ଖଣ୍ଡୁଆଳମୁଣ୍ଡା ଗ୍ରାମର ଜଣେ ନିରୀହ ଯୁବକଙ୍କୁ ଆକ୍ରମଣ କରିଥିଲେ ଏନେଇ ମଧ୍ୟ ଭାଲିଆ ତଇଲା ଦଳିତ ବସ୍ତି ର ୪ ଜଣ ଙ୍କ ନାମରେ ମାମଲା ରୁଜୁ ହୋଇଛି ।

ଏହି ଘଟଣା କୁ ନେଇ ଖଣ୍ଡୁଆଳ ମୁଣ୍ଡା ଗ୍ରାମର ଶତାଧିକ ଯୁବକ ହାତରେ ଠେଙ୍ଗା ଧରି ଭାଲିଆ ତଇଲା ଦଳିତ ବସ୍ତି ଉପରେ ଆକ୍ରମଣ କରିବାକୁ ଯାଇଥିବା ବେଳେ ପୋଲିସ ପହଞ୍ଚି ସ୍ଥିତି ନିୟତ୍ରଣ କରିଥିଲା । ଉଭୟ ଘଟଣା ରେ କାହାରିକୁ ଗିରଫ କରା ଯାଇନାହିଁ। ତେବେ ଶୁକ୍ରବାର ସନ୍ଧ୍ୟାରେ ପୁଣି ଭାଲିଆ ତଇଲା ଦଳିତ ବସ୍ତି ର କିଛି ଯୁବକ ହାତରେ ଖଣ୍ଡା, ଭୁଜାଲି ଧରି ବାଇକ୍ ଯୋଗେ ଖଣ୍ଡୁଆଳମୁଣ୍ଡା ସବର୍ଣ୍ଣ ସାହି ରାସ୍ତାରେ ବିଭିନ୍ନ ଭାଷାରେ ଗାଳି ଗୁଲଜ କରି ହତ୍ୟା ଧମକ ଦେଇ ପଳାଇ ଥିଲେ ଯାହାକି ଖଣ୍ଡୁଆଳମୁଣ୍ଡା ଗ୍ରାମ ବାସୀ ଙ୍କ ତରଫରୁ ପରଜଙ୍ଗ ଥାନାରେ ଶୁକ୍ରବାର ରାତିରେ ଏକ ଲିଖିତ ଅଭିଯୋଗ ହୋଇଛି ।ଯାହାର ତଦନ୍ତ ଚାଲିଛି । ସେହିପରି ଶୁକ୍ରବାର ରାତିରେ ଖଣ୍ଡୁଆଳମୁଣ୍ଡା ଗ୍ରାମ ମୁଣ୍ଡରେ ରହିଥିବା ୭ ଟି ସବର୍ଣ୍ଣ ପରିବାର ଙ୍କ ଘର କୁ ଖଣ୍ଡୁଆଳ ମୁଣ୍ଡା ଗ୍ରାମର ଅସବର୍ଣ୍ଣ ଯୁବକ କିଛି ଆସି ତାଙ୍କ ବାଡ଼ ଭାଙ୍ଗିବା ସହ ଘର ଉପରକୁ ପଥର ମାରିଥିଲେ ଫଳ ରେ ଏହି ୭ ଘର ସବର୍ଣ୍ଣ ପରିବାର ଶନିବାର ସକାଳେ ପରଜଙ୍ଗ ଥାନାରେ ଖଣ୍ଡୁଆଳମୁଣ୍ଡା ଗ୍ରାମର କିଛି ଯୁବକ ଙ୍କ ନାମରେ ଲିଖିତ ଅଭିଯୋଗ କରିଛନ୍ତି ।ଏହି ଘଟଣାରେ ମଧ୍ୟ ପୋଲିସ ତଦନ୍ତ ଜାରି ରଖିଛି । ବର୍ତ୍ତମାନ ଭାଲିଆତଇଲା ଦଳିତ ବସ୍ତି ରେ ପୋଲିସ ଫୋର୍ସ ମୁତୟନ ଅଛନ୍ତି । ପରଜଙ୍ଗ ଥାନାଧିକାରୀ ପ୍ରିୟବ୍ରତ ଦାସ ଉଭୟ ପକ୍ଷଙ୍କୁ ଡକାଇ ସମାଧାନ କରିବାକୁ ଚେଷ୍ଟା କରୁଛନ୍ତି ବୋଲି କହିଛନ୍ତି ।