ନକଲି ଡାକ୍ତର ରମେଶ ସ୍ବାଇଁଙ୍କ ଗୁମର ;ଗୁପ୍ତ ଘରକୁ ନେଇ ରହିଛି ରହସ୍ୟ ,ଘରକୁ ଜଗି ରହିଛନ୍ତି ନୃସିଂହ

ସମଗ୍ର ରାଜ୍ୟରେ ଚର୍ଚ୍ଚାର ବିଷୟ ପାଲଟିଛି ରୋମିଓ ତଥା ଫୋର ଟ୍ୱେଣ୍ଟି ନକଲି ଡାକ୍ତର ରମେଶ ସ୍ୱାଇଁଙ୍କ ଗୁପ୍ତ ରହସ୍ୟ। କମିଶନରେଟ ପୋଲିସର ତଦନ୍ତ ପରେ ଧୀରେ ଧୀରେ ଗୁମର ଗୁଡିକ ସାମ୍ନାକୁ ଆସିଛି । ବହୁ ପତ୍ନୀ ସାଙ୍ଗକୁ ଲୋକଙ୍କୁ ଫ୍ରଡ଼ କରିଥିବା ଭଳି ଆସିଛି ସଙ୍ଗିନ ଅଭିଯୋଗ । ଢେଙ୍କାନାଳ ଜିଲ୍ଲା କାମାକ୍ଷାନଗରରେ ରହିଛି ଗୋଟିଏ ପରେ ଗୋଟିଏ ଭିତରର ଗୁମର ତଥ୍ୟ ।

ବାସଭବନ ଭିତରେ ରହିଛି ଏକ ଅନ୍ଧାରି ଗୁପ୍ତ ଭୂତଳ ଘର । ଯେଉଁ ଘରେ ସିଡ଼ି ପକାଇ ଭିତରକୁ ଯାଉଥିଲେ ରମେଶ । ଆଉ ସେହିଠାରେ ଚାଲିଥିଲା ତାଙ୍କର ଗୁପ୍ତ ଅପରେସନ । ମାଟ୍ରିକ ଫେଲ ରମେଶ ଅଂଚଳ ପାଇଁ ପାଲଟିଥିଲେ ଜଣେ ଅଭିଜ୍ଞ ଜଣାଶୁଣା ଡାକ୍ତର । ୧୯୯୦ ରୁ ୨୦୧୦ ମସିହା ପର୍ଯ୍ୟନ୍ତ ତାଙ୍କର ସ୍ୱବର୍ଣ୍ଣ ସମୟକୁ ସ୍ତ୍ରୀ ଶାନ୍ତିଲତାଙ୍କ ସହ କଟାଇଥିଲେ ରମେଶ । ଯେଉଁଠାରେ ରହୁଥିଲେ ସେହିଠାରେ ଥିଲା ତାଙ୍କର ଗୋଟିଏ ଗୋଟିଏ ସ୍ତ୍ରୀ ଆଉ ଅଜସ୍ର ସମ୍ପତ୍ତି । ଏ ନେଇ ଆମେ କାମାକ୍ଷାନଗର ସ୍ଥିତ ତାଙ୍କର ସାଇଶ୍ରୀ ଏକ୍ସ-ର ଦାୟିତ୍ବରେ ଥିବା ନୃସିଂହ ରାଉତ ଙ୍କୁ ଯୋଗାଯୋଗ କରିବା ପରେ । ସେ ରମେଶଙ୍କର ଗୁପ୍ତ ସୁଡୁଙ୍ଗରେ ଭୂତଳ ଘର ଦେଖାଇଥିଲେ ।

କେବଳ ସେତିକି ନୁହେଁ ତାଙ୍କ ଗ୍ୟାରେଜରେ ଏକ ପୁରୁଣା ଟିଭିଏସ ବାଇକ ରଖାଯାଇଛି । ଯାହାର ଗାଡି ନମ୍ବରଟିକୁ ପଥରରେ ଘଷି ଲିଭାଇ ଦିଆଯାଇଛି । ଏଥିରୁ ଆପଣ ମାନେ ଅନୁମେୟ କରି ପାରୁଥିବେ ରମେଶଙ୍କର କଳା କାରନାମା । ରୋମିଓ ନକଲି ଡାକ୍ତରଙ୍କର ଭାରିଜା ପ୍ରୀତି ସାଙ୍ଗକୁ ଲୋକଙ୍କୁ ଚିଟିଂ କରିବାର ଗୁମର ଏବେ ଧୀରେ ଧୀରେ ସାମ୍ନାକୁ ଆସୁଛି । ଯାହାର ସମସ୍ତ ପର୍ଦ୍ଦାଫାସ କମିଶନରେଟ ପୋଲିସ କରିବାକୁ ଯାଉଛି । ଦୁଇଟି ଟିମ୍ କୁ ନେଇ ତଦନ୍ତ ଚଳାଇଛି ପୋଲିସ ।