ସ୍କୁଲ ଆଗରେ ନାହିଁ ହମ୍ପ୍ସ କେବଳ ଅଛି ଫଳକ, ସାଜିଛି ଦୁର୍ଘଟଣା ପ୍ରବଣସ୍ଥାନ

ସ୍କୁଲ ଆଗରେ ନାହିଁ ହମ୍ପ୍ସ ହେଲେ ଅଛି ସୂଚନା ଫଳକ ଆଗରେ ଅଛି ହମ୍ପ୍ସ ସ୍କୁଲ ଏରିଆ ଗତି ନିର୍ଧାରିତ ନିୟମ ଅନୁଯାୟୀ ସୀମିତ କରନ୍ତୁ । ହେଲେ ସ୍କୁଲ ଏରିଆ ପାରିହୋଇ କିଲୋମିଟର ଗଲା ପରେ ମଧ୍ୟ ମିଳିଲା ନାହିଁ ହମ୍ପ୍ସ ।

ଏଭଳି ଏକ ସ୍ଥାନ ହେଉଛି ଢେଙ୍କାନାଳ ଜିଲ୍ଲା କପିଳାସ କୁ ଯିବା ରାସ୍ତା । କପିଳାସ ପ୍ରାଣିଉଦ୍ୟାନ, ବାବା ଚନ୍ଦ୍ରଶେଖର ପୀଠ ଭଳି ବିଭିନ୍ନ ପ୍ରସିଦ୍ଧ ସ୍ଥାନକୁ ସଂଯୋଗ କରୁଥିବା ଏହା ହେଉଛି ମୁଖ୍ୟ ରାସ୍ତା ତେଣୁ ଏହି ରାସ୍ତାରେ ନିତିଦିନିଆ ନାହିଁନଥିବାର ଯାନବାହାନ ଚଳାଚଳ କରିଥାନ୍ତି । ତେବେ ଭଗବାନ ପୁର ନିକଟରେ ଗଢିଉଠିଛି ଏକ ଶିକ୍ଷାନୁଷ୍ଠାନ । ନିୟମ ଅନୁଯାୟୀ ଶିକ୍ଷାନୁଷ୍ଠାନ ଆଗ ଦେଇ ଯାଇଥିବା ମୁଖ୍ୟ ରାସ୍ତାରେ ହମ୍ପ୍ସ ରହିବା ନିହାତି ଜରୁରୀ । ଯାହା ଫଳରେ ସେହି ରାସ୍ତାଦେଇ ଯାଉଥିବା ଯାନବାହାନ ଗୁଡିକ ଅତ୍ୟଧିକ ଗତିଶୀଳ ହୋଇପାରିନଥାନ୍ତି ।

ହେଲେ ଏହି ରାସ୍ତାରେ ଥିବା ସରସ୍ୱତୀ ଶିଶୁ ବିଦ୍ୟାମନ୍ଦିର ଆଗରେ ଘଟିଛି ନାହିଁ ନଥିବାର ଦୁର୍ଘଟଣା । କାରଣ ବିଦ୍ୟାଳୟ ଦେଇଯାଇଥିବା ମୁଖ୍ୟ ରାସ୍ତାରେ ନାହିଁ ହମ୍ପ୍ସ । ତେବେ ରାସ୍ତା ତିଆରି ସମୟରେ ସେଠାରେ ସୂଚନା ଫଳକ ସହ ହମ୍ପ୍ସ ତିଆରି ହୋଇଥିବା ବେଳେ କୌଣସି ଏକ କାର୍ଯ୍ୟକ୍ରମ ଯୋଗୁଁ ହମ୍ପ୍ସ ଟି କଟାଯାଇଥିବା ସ୍ଥାନୀୟ ବାସିନ୍ଦା ସୂଚନା ଦେଇଛନ୍ତି । ତେବେ କାର୍ଯ୍ୟକ୍ରମ ସାରିବାର ବହୁ ମାସ ବିତିଯାଇଥିଲେ ମଧ୍ୟ ଏଠାରେ ହମ୍ପ୍ସଟିଏ ନିର୍ମାଣ ହୋଇପାରୀ ନାହିଁ । ବିଗତ କିଛିଦିନ ତଳେ ସେହି ଜାଗାରେ ବହୁ ଦୁର୍ଘଟଣା ଘଟିଯାଇଛି । ତେବେ ହମ୍ପ୍ସଟି ହଜିଯାଇଛି ବୋଲି ସ୍ଥାନୀୟ ମାହୋଲ ରେ ଚର୍ଚ୍ଚା ଧରିଛି ।